聖誕到會優惠列陣 邊張信用卡最多優惠?
聖誕到會優惠列陣 邊張信用卡最多優惠?
相關信用卡:

聖誕到會優惠列陣 邊張信用卡最多優惠?

發表日期: 2016 年 12 月 02 日 更新日期: 2016 年 12 月 02 日 飲食
作者:Salad Ho 沙律

踏入12月,又係同屋企人、朋友聚一聚嘅時候,唔想出街同人迫又或者食聖誕餐畀人劏到一頸血?叫到會係最佳選擇!唔少餐廳都推出聖誕到會服務,除咗Early Bird優惠外,如果用指定銀行信用卡埋單,折扣會更多!今次集合咗美心、大家樂、大快活、Pizza Hut、意粉屋同Aeon嘅10人、20人同30人聖誕套餐優惠,當中有啲提供信用卡折扣、早買折扣、自取折扣等等。另外,有心訂就要早啲訂喇,因為有啲套餐愈遲訂折扣愈少,而且截單日期都各有不同。想同班朋友食到會開心過聖誕就要留意以下內容喇~

10人餐嚟講,大家樂 (恒生信用卡75折)$1188係最平!10人餐普遍都有8款食物。Aeon最少,得6款,但包括咗其他公司冇嘅壽司盛,而個壽司盛有50件咁多!魚生不嬲都高價啲嘅定律下,我覺得即使少其他公司2款食物都講得通。如果有AEON會員/AEON信用卡於12月20日或之前訂購,8折後$1727,價錢都幾合理呀!大家樂$1188有8款食物,雖然都係普遍派對食物,但款色多而且價錢好抵,如果有10人開party,每人都只係$118.8咋,所以CP值最高!

Aeon聖誕節10人套餐menu:
 

大家樂聖誕節10人套餐menu:
 

20人餐嚟講,美心(匯豐信用卡7折)$2620係最平!

而Aeon同意粉屋食物款式最少,只有9款,比其他餐廳少2至3款,但細心睇睇餐單,2者都有比較高級嘅食材:意粉屋有法國鵝肝醬‧北海道刺身級帶子海鮮拼盤;Aeon有刺生盛加壽司盛總共差唔多一百件。意粉屋12月20日或之前用會員/匯豐信用卡/網上訂購+外賣自取有82折,$3175;Aeon於12月20日或之前用AEON會員/AEON信用卡有8折,$2825。同最平嘅美心$2620(匯豐信用卡7折)折扣後相差最多500。

美心最平而且餐單都唔差,當中有原隻美國燒火雞、西班牙風乾火腿.水牛芝士拼盤呢啲比較高級嘅食材(得Pizza Hut 冇火雞),所以食物種類(以快餐店大家樂、大快活及美心比較下)都差不多之下當然選擇最平嘅美心啦。

Aeon 聖誕節20人套餐menu:

 


意粉屋聖誕節20人套餐menu:
 


美心聖誕節20人套餐menu:
 

30人餐嚟講,大家樂(恒生信用卡75折)$3728最平,有16款食物,30人食份量同款式好足夠,重量菜食有XO醬海鮮炒烏冬、鮮蝦帶子海鮮飯、意式焗番茄肉醬意粉、香濃咖喱雞 (配白飯) ,CP值高。而Pizza Hut同意粉屋就冇提供30人餐。

Aeon食物款式最少,只有12款,當中有3款係壽司同刺生,差唔多有200件,不過我覺得以30人嚟講,12款食物過少喇,而且重量菜食只有三文魚香蒜意粉同海鮮炒飯,以30人食量嚟睇,有少少擔心唔夠飽。

大家樂聖誕節30人套餐menu:
 


Aeon聖誕節30人套餐menu:
 

 


總括而言,訂邊間當然要睇返成班朋友想食乜,如果鍾意壽司就應該order Aeon,鍾意Pizza就一定叫Pizza Hut無誤。不過以價錢嚟睇,快餐店會滿足到你。如果拎住匯豐信用卡可以於最多餐廳得到超值優惠。例如可以於美心同意粉屋享用到最抵優惠,而於大家樂可以用到比恒生信用卡貴少少嘅其他信用卡折扣!

如果於2016年12月31日前成功申請DBS Black World MasterCard,即享豁免首年年費及可享精彩迎新優惠,本地及海外簽賬10X DBS$(等於$1.2 = 1里數),詳情可以去呢度了解。


美心聖誕套餐網站

大家樂聖誕套餐網站

大快活聖誕套餐網站

Pizza Hut聖誕套餐網站

意粉屋聖誕套餐網站

Aeon聖誕套餐網站