美國運通卡健康檢查優惠比較

身體得一個，而且仲要跟住自己用一世，當然要好好呵護。所謂防範於未然，當然唔好等身體出咗事先來後悔，副身體都用咗一段日子，我哋都要定期去做身體檢查，如果有問題就可以盡快發現，咁就可以盡早解決。而且有啲狀況係唔經過檢查好難被發現出來，就好似高血壓咁樣，患者初期冇明顯癥狀，喺2012年有調查發現，喺調查中被發現有高血壓嘅人，只有一半係被醫生診斷為高血壓。

好多人都知道要做健康檢查，不過要做邊一款健康檢查或者幾耐做一次，可能就唔係咁清楚了。其實要做邊一項身體檢查係好睇當時嘅年齡、性別、家族歷史以及是否有某些疾病嘅高危因素。如果有高危因素，就可能要比平常人更早或更密接受檢查。

唔好以為身體檢查係上咗年紀嘅玩意，其實有啲檢查早至20歲左右就應該開始。根據American Heart Association，20歲開始就應該定期檢查血壓、血脂以及體重等等，到45歲開始，亦應該每3年檢查一次血糖水平。以上只係講緊正常風險嘅人應該檢查嘅頻率，如果高危人士應該要檢查得更加密。心血管疾病高危因素包括年紀、性別、吸煙、高血壓、高血脂、糖尿病等等。

▲American Heart Association網頁截圖。有好多檢查由20歲就要開始做，好似血壓、血脂咁。根據本身自己嘅高危情度，會有唔同嘅檢查頻率。下面就係講高危因素包括甚麼。
 

方便大家睇，同大家整咗個中文版本嘅檢查頻率表：

好多人都會檢查血壓血脂呢啲，但我哋都唔好忽視自己條腸啊！2013年大腸癌係香港最常見嘅癌症，佔所有癌症發病個案嘅16.5%，而喺2014年大腸癌係第二大最常見嘅致命癌症。因為大腸癌病發初期病徵唔明顯或甚至冇病徵，所以適時嘅檢查可以盡早識別出癌症嘅徵狀，提高治癒嘅機會。大腸癌常見嘅病徵包括大便習慣改變、大便帶血或大量粘液以及大便後仍有便意等等。癌症預防及普查專家工作小組建議，一般人士介乎50歲至75歲應該定期進行大腸癌篩查，高風險人士應與醫生商量及早進行檢查。大腸癌嘅常見篩查方法包括大便隠血測試、免疫化學測試、大腸鏡以及靈活乙狀結腸鏡檢查。

另外女士嘅婦科檢查就一定走唔甩。女士應該每個月都進行自我嘅乳房檢查，其他檢查包括乳房超聲波及乳房X光造影檢查。一般女士都會建議50歲開始每2年進行一次乳房X光造影檢查。任何已經有性生活嘅婦女都應該定期進行柏氏塗片檢查。男士都應該同醫生商量需唔需要檢查前列腺等等。想身體健健康康，就要好好保護，快啲同醫生商量下需唔需要進行身體檢查啦！

最近美國運通卡就有身體檢查計劃嘅優惠，等我同大家睇睇其中幾間醫院或診所嘅優惠計劃啦！

首先憑美國運通卡於聖德肋撒醫院 - 體檢及診斷中心可享指定健康檢查計劃高達原價4折優惠。有優惠嘅計劃有11個，分別係：
 

如果只係想要一個基本檢查，基本計劃其實都包咗健康評估、驗血項目如空腹血糖、血脂、腎功能、肝功能、心電圖，亦包括大便隱血檢查，即係大腸癌篩查嘅其中一項檢查。而晶緻計劃就會多咗檢查甲狀腺、乙型肝炎等項目。如果再想要多啲項目，可以選擇優越計劃，會包埋肝臟／膽囊嘅超聲波、幽門螺旋菌吹氣測試同埋運動心電圖。包得最多項目嘅就係男性尊貴以及女性尊貴，兩者分別主要在於X光及超聲波包括的部份，以及女性會有子宮頸細胞塗片檢查以及骨質密度測量。

如果係關注心血管健康嘅人士，可以考慮佢嘅心臟檢查計劃，關於心血管嘅檢查都包括咗，而且只有佢包心臟超聲波檢查。
而女性檢查計劃以及男性檢查計劃就會比較以上嘅計劃更性別導向，對比起以上嘅基本計劃，基本婦女以及基本男性嘅計劃會包括性別相應嘅癌指數、超聲波以及X光檢查。而佢仲有婚前計劃俾大家選擇。

計劃詳請可以去〈呢度〉睇。

美國運通於聖保祿醫院可以優惠價享用綜合保健檢查計劃、男士保健檢查計劃及女士保健檢查計劃。有優惠嘅計劃有7個，包括：
 

包含得最多項目嘅係綜合A計劃，基本上列表上嘅項目都包晒，啲項目同聖德肋撒醫院 - 體檢及診斷中心嘅其實都差唔多。綜合B計劃就比綜合A計劃包含嘅項目少，主要係少咗一啲病毒抗體測試。如果女士想選擇有骨質密度測試嘅，就要揀保健A計劃喇！男士就只係得3個計劃，最全面嘅就係綜合A計劃，綜合B計劃同埋保健A計劃包嘅測試項目數量差唔多，不過就項目上就有啲分別，綜合B計劃就得得驗尿酸、甲狀腺以及乙肝表面抗原及抗體，而且有腎、輸尿管及膀胱X光，不過保健A計劃就有總前列腺癌抗原以及排尿流動量項目，大家可以跟番自己需要或同醫生商量一下如何選擇啊！

計劃詳請可以去〈呢度〉睇。

另外由即日起至2016年12月31日，客戶憑美國運通信用卡於香港港安醫院可享88折優惠(由普通科醫生主理)。佢嘅優惠計劃有2個，分開男性以及女性，佢包括嘅檢驗項目可以話係最齊全，除咗上面計劃有嘅項目，而且仲有埋視力檢查、聽力測試以及健康飲食專業評估及指導等項目，不過佢價錢來講就最貴。

優惠詳情可以去〈呢度〉睇。

另外由即日起至2016年12月31日，客戶憑美國運通卡於卓健醫療體檢中心以及仁安醫院都有優惠。

卓健嘅優惠計劃有6個，行政人員計劃嘅檢查項目就最全面，而精選計劃嘅項目主要係心血管項目，佢就所有嘅計劃都有視力檢查。

計劃詳情可以去〈呢度〉睇。

而仁安醫院嘅指定健康檢查計劃就有高達六折優惠，詳情可以去〈呢度〉睇。

客戶憑美國運通信用卡於生活易參加指定身體檢查計劃，可獲75折優惠。詳情可以去〈呢度〉睇。