【網購介紹】風靡日本！吹頭神器Goody「 速乾梳 」

冬季對於長髮女仔嚟講真係好痛苦，洗完頭又凍又濕，吹乾成把頭髮需時都好長，每次吹頭都恨不得剃光個頭⋯⋯聽講日本大熱嘅Goody速乾梳可以令乾髮時間減半，絕對係懶人恩物！

美國Goody出品嘅速乾梳用咗特殊棉，有強力嘅吸水功效，梳頭時可以直接抽走濕髮上嘅水分，而且標榜會吸走最少 30 % 濕髮嘅水份。我試用後發覺吹頭用Goody速乾梳比冇用快咗1/3時間，雖然冇佢標榜嘅「乾髮時間減半」咁多，不過用嚟梳濕髮就好暢順同冇打結，值得一讚。

用法：

1.用速乾梳一邊梳頭一邊吹頭，乾頭時間減少咗一半。

 

2.直接用嚟梳頭髮，等頭髮約8成乾之後再自然風乾。

 

另外梳上圓頭梳針可以防止頭髮打結，同埋會順便幫你按摩頭皮，好梳乎。

梳嘅左、右兩邊有排水孔，將所吸嘅水份排走。用完後放喺通爽地方晾乾就可以喇。

我於Amanzon網購咗返嚟，速乾梳價HKD＄70，運費HKD＄110, 總共夾埋HKD＄181。運費有少少貴，所以建議搵埋朋友一齊買share運費會抵好多。用DBS Black World MasterCard($1.2 = 1里數)簽帳，總共可以賺到150里。
 

於2016年12月31日前成功申請DBS Black World MasterCard，即享豁免首年年費及可享精彩迎新優惠，如豁免兌換里數手續費、酒店訂房優惠低至85折 (agoda.com、Hotels.com、Expedia.com.hk)等，新客戶經指定網頁申請並於遞交申請表後7日內交齊所須文件，再享額外DBS$25(即520里數)！