給母子的禮物

之前懷疑被拐走嘅B女到宜家都仲未搵番，事件令一眾港爸港媽提高警覺，市面一種熱賣嘅「防搶B警報器」即刻被搶購一空……其實依類「防搶B警報器」係一套兩件感應器，而當兩個感應器相距3米，媽咪手上嘅警報器就會響……哇，3米先嚟響喎，到時個拐子佬都走遠左啦……個人覺得家長用左依類遙距式警報器反而會降低戒心，想BB安全仲有咩保險得過真正Keep an eye on your baby丫？

話說Lady C.最近都有個大懵好姊妹做左「亂世」之中嘅新手媽，雖然擔心佢有日會唔見左個B，但係畢竟係開心事，我都要送份禮物比佢同BB嘅──嬰兒用品購物優惠。

Present for Baby
BB就出世真係大把嘢要買，還掂比現錢冇着數，不如都係碌卡啦。我會建議朋友申請上商Kingkow信用卡同永隆BeBe Dream親子Visa卡備用，前者喺出卡首兩個月簽滿$1,000就有Kingkow床上系列迎新禮品，可以有新床單用之餘，日後去Kingkow買童裝仲有85折。

要滿足簽賬要求唔難呀，可以去Kingkow買定幾套85折靚靚厚衫比BB過聖誕呀（有85折），咁一套Kingkow床上系列就係你架喇。

至於申請永隆BeBe Dream親子Visa卡呢，只要喺出卡首兩個月簽滿$2,800就袋走$200 BeBe Dream迎新現金券喇。一於揀部BB座位面向自己嘅BB車啦（果D閒閒地都$2xxx - $4xxx一部），BB喺自己視線範圍內始終安心D嘅。

仲要記得為BB準備厚衫、厚被比BB過冬，得閒可以帶埋張上商Kingkow信用卡去買番一兩件85折童裝比BB，冇申請依張卡嘅朋友都可以帶埋渣打 / Citibank卡行下童裝天地買9折童裝呀。雖然BB衫係好得意，不過都係忍忍手買一兩件「飲衫」就夠喇，始終BB大得快，好快唔岩着嘛。

Present for Mum
我諗岩岩生完嘅朋友都係比較關注產後修身問題，宜家用星展可以優惠價$793碌一套日本產前孕婦托腹及產後收腹帶呀！唔知佢收倒依份咁貼心嘅禮物會唔會感動到流眼淚呢？(不過我個荷包一定哭乾左先)

不過修身還修身，正經事都要抽時間做嘅。見還掂用Citibank卡訂1年荷花集團雜誌只係$3xx，我打算另外再迫佢訂D媽媽雜誌「進修」下育兒知識，《媽媽寶寶》、《學前教育》或《親子便利》，三本之中應該點都有一本有興趣掛？