結婚埋單靠自己 毋須「父」幹免拆人情
結婚埋單靠自己 毋須「父」幹免拆人情
相關信用卡:

結婚埋單靠自己 毋須「父」幹免拆人情

發表日期: 2014 年 12 月 09 日 更新日期: 2014 年 12 月 09 日 生活貸款稅貸
作者:積克

好多人話結婚係兩個人嘅事,但好多時其實係兩個家族嘅事,除非你家中長輩真係冇所謂,或者你真係可以好瀟洒咁唔理家人感受,想點結就點結,否則結婚要搞嘅全套儀式都係走唔甩。即使雙方家長冇意見,你又想一切從簡,但話晒結婚都係一世人一次,你身邊嗰個都可能對婚禮有要求,就算唔擺酒,都要旅行結婚,去外國影婚紗相、喺白色教堂行禮,點都要俾一舊錢出嚟。如果結婚唔想靠「父」幹,或者擺酒要即場拆人情找數,可以趁而家銀行出咗稅務貸款Plan,息口低啲,借嚟做一部分結婚資金。


結婚開支可大可小
除非真係簡單到上律師樓簽字,使二、三千蚊律師費,再請雙方最親嘅家人朋友一齊食餐飯,再使多三、四千,五、六千蚊可以埋單,否則跟正常結婚程序搞一搞,起碼都要二、三十萬,計下基本價先:





稅貸比私貸、婚貸低息
如果積蓄唔夠,要問銀行借錢結婚,一般都係借私人貸款,亦有少數銀行有打正旗號Sell結婚貸款,不過兩者息口都係比稅貸高,有需要的話,借稅貸會抵啲。

10萬資金補完婚禮
而家好多稅貸都可以借到月薪8倍或以上,一般有穩定收入嘅人士應該可以借到10萬,加埋自己嘅積蓄,借少少搞掂個婚禮應該唔難。不過就要留意還款期,有啲稅貸只係做到12個月,如果借10萬,每個月就要還$8400左右,如果想每個月鬆動啲,可以揀有24、36、48個月還款期嘅稅貸,最長可以分到48個月。至於借10萬邊間銀行抵啲,可以睇返我之前寫嘅Blog

喺度做返個稅貸小總結:
還款期長:Citibank (48個月)、DBS (36個月)
利息支出較少 (24個月):AEON、建行(亞洲)
利息支出較少 (12個月):渣打