精選兩大減肥健身 信用卡優惠
精選兩大減肥健身 信用卡優惠
相關信用卡:

精選兩大減肥健身 信用卡優惠

發表日期: 2017 年 02 月 02 日 更新日期: 2017 年 02 月 02 日 生活
作者:甦師父

農曆新年假期已過,呢幾日食咗咁多嘢,大家可能已經肥咗幾磅,係時候需要做返啲運動減肥。信用卡優惠多數唔係食就買,其實都有健身優惠架,我哋就精選咗兩個出嚟,教埋大家點用平價keep fit。

 

星展 X KFIT

 

香港人出街食飯前,會先上上OpenRice睇吓有咩好食,揀個最啱價錢同胃口嘅,再扑鎚訂枱。近年愛上做GYM同瑜伽嘅香港人,都需要一個指南網站,畀佢哋揀選適合自己嘅健身課程並預訂,方便之餘又唔使畀某家健身中心嘅長約綁死。

KFIT就係一個咁嘅網站,佢哋依家同星展銀行合作,客人登記做KFIT用戶後,用DBS信用卡喺KFIT網站網站或手機app預約課程同活動,即享兩大優惠。

第一個優惠係,首次證記KFIT Fitness Pass時,喺付款前輸入推廣編號「DBSKFIT」可享首個月月費減$200嘅優惠,即係由$699減至$499。咩係 Fitness Pass呢?KFIT會員買咗呢個pass後,一個月內基本上可預約10個健身活動或課程,而唔需要支付額外費用。不過呢個pass僅適用於寫明適用於Fitness Pass嘅活動同課程,所以買呢個pass前最好睇睇有冇嘢啱,同就唔就到時間先,用唔晒10堂就蝕了。

冇時間,用唔晒10堂,唔想買Fitness Pass都唔緊要,逐堂課程預約時,輸入推廣編號「DBSFIT20」可獲首堂8折優惠,預約第2堂時輸入「DBSFIT05」可獲95折優惠。

上面兩個優惠嘅推廣期去到8月31號,記住每個KFIT用戶只可使用每個優惠一次,同埋唔適用於DBS Black American Express® Card。

 

▼用app買Fitness Pass,原價係$699

 

▼輸入推廣編號「DBSKFIT」,後,價錢即減$200


▼成功減做$499,大家覺得ok就可以透過信用卡付款

 

▼各課程資訊右方,有寫明是否適合Fitness Pass參加

 

美國運通 X Pure Fitness

 

有啲人做GYM同其他健身活動,做開果間就果間,放工去、放假去,唔會吓吓預約去做咁麻煩。另外健身室嘅環境係點,最好都係試清楚,睇吓夠唔夠器材,環境舒唔舒服,咁做GYM先做得夠爽。

依家Pure Fitness同美國運通卡做緊優惠。我哋幫大家問清楚了,所有運通卡嘅客戶首先揀定一間就近嘅分店先,打電話去預留試玩,即免費獲贈1日嘅通行證,聲稱健身器材同教授課程「乜都玩得」。

如果想試玩多幾次,咁恐怕就要畀少少錢了。用美國運通卡可以用$1,000換取2星期通行證;$1,500換取4星期通行證。咁「試玩」法貴唔貴就見仁見智,要提一提大家嘅係,上述嘅通行證優惠資格係「認卡又認人」,即某人一享用過通行證試玩優惠,就唔可以用包括第二間銀行嘅另一張信用卡再度試玩了。

玩過覺得稱心滿意後,想簽6個月或12個月嘅會籍合約計畫,用運通卡可享手續費5折優惠添,不過由於間間分店嘅收費有別,所以簽咗A分店合約計畫嘅會員,基本上係去唔到B分店玩架,大家簽約前諗清楚,去邊間玩較就腳之餘,價錢又啱心水,再決定簽唔簽約啦。

 

▼旺角朗豪坊Pure Fitness的環境

 

▼職員聲稱通行證適用於教練指導課程,但須事先預約

 

 

Pure Fitness各分店地址及電話:


中環金融街8號國際金融中心2期3樓
8129 8000
中環德己立街30-32號加州大厦18樓
8200 0032
中環荷李活道32號建業榮基中心3樓
2970 3366
中環花園道3號花旗銀行廣場,中國工商銀行大廈3樓
8105 5588
金鐘紅棉路8號東昌大廈1-2樓
8129 2228
淺水灣海灘道28號The Pulse 1樓
8200 0908
銅鑼灣波斯富街 99號利舞臺廣場15樓
8196 0000
鰂魚涌英皇道979號太古坊電訊盈科中心5樓
8105 5538
旺角亞皆老街8號朗豪坊辦公大樓7樓
8129 2828