端午節 識食一定係食平糭

厚多士洋蔥圈燒賣蝦鵝新地菜肉，呢期網上好多食品滿天飛！不過Lady C.今次唔係想同大家傾網絡熱話，而係想提大家毋忘端午糭節！認真，我向來麻麻地鐘意節慶食品(包括月餅年糕呢類我都唔明好食在哪裡)，只係屋企人叫到，點都要買少少叫做過節……

我又整咗個現有端午節優惠一覽俾大家參考，講定Sorry先，實在係冇辦法搵哂咁多隻口味嘅糭嘅淨重去比較，所以就算睇落去係比原價平好多，都要記得買之前望吓現貨係咪Mini Size！

特選一、星展 x 富豪酒店 極品糭禮盒(詳情按此按此)

單睇實減數字嘅Winner就係呢套一套三隻嘅極品禮盒(星展同港島香格里拉大酒店個食滿$2,000送禮券就唔特別講啦)！優惠價$220.8得到3隻糭，平均1隻$73.3。以一隻蓮蓉鹼水粽嚟講，比起其他大路商戶如美心、大班、聖安娜都算係貴……咁當然，佢話有隻極品原隻鮑魚喺度，Lady C.覺得都可以一戰！

特選二、恒生 x 鴻星海鮮酒家 四寶禮盒裝(詳情按此按此)

雖然搵資料果時我忍唔住笑咗「高麗蔘竹絲雞糭」、「極品佛跳牆糭」好耐，係咁幻想下年可以試吓出埋荔芋火鴨糭、魚翅撈糭、三文魚蟹子糭……。但實情係鴻星海鮮酒家個四寶禮盒套裝唔太差，4隻糭$206，每隻平均$51.5。要正宗有蓮蓉鹼水糭、懷舊家鄉糭，想試豪氣新嘢有原隻鮑魚竹筒糭，家有方丈可食五彩素糭皇，得咗！

特選三、中銀 x 聖安娜餅屋  極品八寶糭套裝(詳情按此按此)

我都唔想一路介紹套裝唔講單隻，但單隻買原來真係幾貴(正宗唔知米貴)！聖安娜夠哂大路，斷估難食極都有限，一套8隻糭，$148.4，即係平均每隻$18.55！價錢同單買差咁遠，相信都唔會係正常Size，好處係適合我呢種只想淺嚐嘅人，唔好處係硬食試都唔想試果啲口味，或有食唔哂變大嘥鬼嘅可能！

最後一提，如果真係想簡簡單單獨食一隻傳統糭，可以考慮匯豐  x 美心 一品家鄉糭(約450克)，原價$80減到$56，逢星期五至日額外95折，即係折實$53.2！(匯豐優惠詳情請按此按此)至於新奇糭就不外乎都係冰糭，匯豐 x 東海堂名物系列Lady C.就充滿興趣，因為有抹茶！！！