玩三Pay Android Pay VS Apple Pay VS Samsung Pay
玩三Pay Android Pay VS Apple Pay VS Samsung Pay
相關信用卡:

玩三Pay Android Pay VS Apple Pay VS Samsung Pay

發表日期: 2017 年 05 月 09 日 更新日期: 2017 年 05 月 09 日 購物教學
作者:積克

相信有唔少人都用過Android Pay或Apple Pay,剛剛仲出埋Samsung Pay,到底呢3個手機付款平台有咩分別呢?今次從唔同方面,同大家比較下。

 

支援金融機構-Android Pay、Apple Pay
Android Pay同Apple Pay分別支援金融機構,Samsung Pay暫時支援4間,之後會增至6間。數量上係Android Pay同Apple Pay佔優,不過Android Pay同Apple Pay喺香港都出咗超過半年以上,Samsung Pay只係出咗兩個星期,睇下佢遲啲會唔會同多啲金融機構合作?

Android Pay支援東亞、中信銀行國際、大新、星展、恒生、匯豐、渣打、Tap&Go。

 

Apple Pay支援美國運通、中銀、東亞、星展、恒生、匯豐、渣打、Tap&Go。

 

Samsung Pay支援美國運通、Citibank、大新、渣打,稍後支援中銀同星展。

 

支援信用卡網絡-Apple Pay
支援Visa同MasterCard都係指定動作,不過Samsung Pay支援埋American Express,Apple Pay再加埋銀聯,比較廣泛。

Android Pay支援Visa、MasterCard。

 

Apple Pay支援美國運通、Visa、MasterCard、銀聯。

 

Samsung Pay支援美國運通、Visa、MasterCard。


支援機種-Android Pay
最全面應該係Android Pay,佢支援唔同牌子嘅Android手機,只要係Android 4.4或以上、有NFC功能基本上都用得 (個別國產牌子好似未必用到)。Apple Pay同Samsung Pay就支援返自家手機。

不過Apple Pay支援Apple Watch,Samsung Pay外國官網亦話可以支援Galaxy Gear S2 / S3智能手錶 (香港暫時未支援)。Android Wear 2.0同內置NFC功能嘅智能手錶,例如LG Watch Sport陸續推出,都可以支援埋Android Pay,總算追返上嚟。

 

保安認證-Samsung Pay
Apple Pay同Samsung Pay都支援指模認證,交易時都需要做咗認證先俾到錢。Samsung Pay喺某啲型號手機,仲可以用虹膜認證。
Android Pay只要開著屏幕就俾到錢,唔需要做安全認證,你可以話佢方便,但感覺又有啲兒戲。

最新嘅Samsung Galaxy S8 / S8+就支援虹膜認證。

 

支援交易技術-Samsung Pay
三者都可以做NFC感應式交易,Samsung Pay更加支援MST (Magnetic Secure Transmission),即係可以將手機放喺碌卡卡槽旁邊,模擬信用卡碌卡,滑動磁帶令磁場改變嘅動作,即係舖頭冇裝NFC感應器,都可以照用Samsung Pay俾錢。特別係去到外國一啲唔接受晶片卡,只接受碌卡嘅舖頭都可以照用。

支援MST令Samsung Pay喺可以碌卡嘅舖頭都可以用到。

 

交易模式-Apple Pay
香港都已經有網站同App支援Apple Pay付款;Android Pay目前主要集中喺In-App交易方面;Samsung Pay喺南韓可以做網上購物付款,但香港暫時仲未見支援香港網站同App付款,所以暫時係Apple Pay稍勝。

當然,Android Pay同Samsung Pay都唔會落後。Android Pay會同Visa Checkout同MasterCard MasterPass合作,今年年初開始支援網上付款,仲會支援指模認證;亦會同PayPal合作,去實體店拍機買嘢時用PayPal戶口嘅錢。Samsung Pay就宣佈會支援MasterCard MasterPass做網上交易付款。不過呢啲功能到底幾時先喺香港用到?可能要再等下。

Android Pay支援以上App程式內付款,稍後會加入foodpanda、HK Express同KFIT。

 

支援Apple Pay嘅App同網站數量上稍為多少少。

 

總結-各擅勝場
Android Pay、Apple Pay同Samsung Pay都各有優勝之處,簡單可以歸納為:

Android Pay:支援機種較多
Apple Pay:支援卡種多,交易模式發展較快
Samsung Pay:支援MST,多數接受信用卡商舖可用

我個人就較鍾意Samsung Pay,因為支援MST真係幾實用,冇NFC唔支援晶片卡都可以照用。當然,揀用邊種手機付款仲有一個重點,就係你自己用緊邊部手機。

 

 

相關文章
Android Pay實測
Apple Pay實測
Samsung Pay實測

 

 

限時優惠:
【經HongKongCard成功申請DBS Eminent Card享高達$1000現金獎賞及$200額外獎賞】

【經HongKongCard申請美國運通I.T Cashback卡,可額外獲贈$200禮券】
【經HongKongCard申請WeWa卡,額外享$200現金回贈】