爆紅方程式
爆紅方程式
相關信用卡:

爆紅方程式

發表日期: 2013 年 04 月 18 日 更新日期: 2013 年 04 月 18 日 生活
作者:水公主
R.I.P.

一開波就咁唔老黎要REST IN PEACE?非也,只係我決定將我在這裡貼的第一篇BLOG的第一句,獻給Sita陳僖儀。人生無常,願她安息。

講真,對於我呢類唔太理香港樂壇消息既人黎講(八卦野就幾留意),未發生呢件事之前,我只係聽過佢個名一次半次。雖未完全去到「而我不知道___是誰」的地步,但佢首(好似係)好出名既《蜚蜚》、《忘川》都係尋日先聽過,於我個人感受而言,我聽得幾心嗡,因為原來我以前一直都冇留意到呢個唱歌都幾好聽的女歌手。呢一刻,真係不得不慨嘆,一個人要紅,真係80-90%係命運,剩返果少少先係實力……

好似韓國大叔PSY咁,當日紅起騎馬舞,我睇第一次係覺得幾好笑,但唔覺得有咩潛力可以紅到彈起,飛出國際咁巴閉。只係,世事往往都唔係我呢種凡人可以看透,邊估到OPPA GANGNAM STYLE真係可以紅到無人不識,唔識幾乎要被人拉出去驗下係咪瀕臨絕種生物先?

唔知大家有冇睇佢最新發表既《GENTLEMAN》MV?同騎馬舞一樣,又係莫名其妙地洗Facebook版中,見有唔少人講要瘋傳,我真心好想問佢地一句,你睇得明個MV?又有咩正位值得人瘋傳先?可能係我唔識得欣賞啦,我只係睇到有個阿叔係咁蝦女仔,跳首改版騎馬舞,溝埋當紅APP GAME《CANDY CRUSH》幾秒鏡頭、再搵超紅韓國綜藝節目《RUNNING MAN》MC劉在石客串幾秒……如果咁樣拍條片出黎一定會紅,即係條方程式係:

大叔 + 性感美女 + 歌或舞 +當紅話題1(CANDY CRUSH) + 當紅話題2(RUNNING MAN)

    出得幾秒既潮icon


    有唔少人話為左睇在石先睇呢個mv

有興趣不惜任何代價想爆紅特紅既(自命)潮人不妨一試,但唔好唔記得仲有百分之十至二十係講實力喎!

P.S 見高登有人開POST話個MV如果過到5億點撃率佢就罰抄留言巴絲名,咁歡樂咁有趣味,學DADA話齋「多謝高登先」!

====
【頭盔】以上言論只代表個人立場。水公主只係一介鐘意抽水的小平民,可能同咁多位讀者大人的意見唔同,要打要鬧,求手下留情。