周柏豪同楊丞琳合作拍渣打信用卡廣告,睇相係一張全新信用卡,呢張卡叫做Simply Cash Visa卡,主打現金回贈。
新卡有兩款設計,一橫一直,申請時可以揀。
基本資料
年薪要求:$240,000 (免首年年費)
年費:$1,800 (免首年年費,「優先理財」/「Premium理財」/「渣打紅利出糧戶口」客戶永久免年費)
基本簽賬獎賞:1.5%回贈
額外簽賬獎賞:外幣簽賬2%回贈
Visa payWave:O
外幣交易手續費:1.95%
跨境港幣交易手續費:-
不合資格交易:電子付款賬戶增值 / 轉賬、網上 / 電話理財 / 櫃員機繳費、保費簽賬
本地1.5%回贈稍稍佔優
唔少現金回贈卡本地簽賬回贈由0.4%-1.2%不等,渣打Simply Cash Visa卡回1.5%,稍為高少少,連八達通自動贈值都計1.5%,以現金回贈計應該算係幾高。
至於外幣簽賬2%回贈,有其他卡都做到,例如同門嘅渣打行政人員白金信用卡,就唔算特別。
每簽$2,500換$50回贈
呢張卡唔係直接將現金回贈入落戶口,要去「360°全面賞」平台換現金,每次最少要換$50,以1.5%計,即係簽$3333.3,大約$3,334;以2%回贈計,簽$2,500就可以換。
迎新100%現金回贈
呢個可能係最好賺同易賺嘅迎新,全新客戶2018年1月31號或之前經網上成功申請,首2個月簽賬有100%回贈,冇最低要求,簽幾多回幾多。不過,回贈率咁高,簽賬額自然唔會太高,回贈上限$1,000,即係簽$1,000就賺完。
另外仲有首5個月0%實際年利率,每期交到最低付款額就得。如非必要,最好都係每期還清卡數啦。
Visa Signature優惠
新卡屬於Visa Signature級別,可以用到由Visa提供嘅Visa Signature優惠,例如香港尖沙咀凱悅酒店自助午餐88折、香港怡東酒店ToTT’s and Roof Terrace指定晚餐買一送一、The Mira Hong Kong食肆餐飲85折。
現金回贈卡比較
信用卡 | 現金回贈比率 |
渣打 Simply Cash Visa卡 | 海外 2% |
本地 1.5% | |
美國運通 Blue Cash信用卡 | 本地及海外 1.2% |
Citi Clear Card | 網上外幣 1.2% |
其他 0.4% | |
Citi Cash Back American Express Card | 餐飲 2% |
其他 1% | |
Citi Cash Back Visa信用卡 | 本地酒店及食肆、 2% |
海外及網上 外幣簽賬 2% | |
其他本地 1% | |
大新ONE+白金卡 | 本地及海外 1% |
大新ONE+Titanium卡 | |
DBS Eminent Visa Signature Card | 海外及網上外幣 2% 其他 1% 本地食肆 3% (至12月31日) |
DBS Eminent Visa Platinum Card | |
渣打 行政人員白金信用卡 | 海外 2% |
本地 1% | |
安信 EARNMORE白金卡 | $100回$1 1% |
安信 EARNMORE普通卡 | $150回$1 0.67% |
安信WeWa白金卡 | 旅遊、卡拉OK、 戲院、主題公園 4% 其他 0.4% |
安信WeWa普通卡 | |
東亞 i-Titanium 卡 | 網上簽賬 3% |
其他 250回$1 0.4% | |
信銀國際Motion信用卡 | 網上簽賬 5% |
Apple Pay / Android Pay 5% | |
基本 $180回$1 0.55% |
上面提過,一般嚟講渣打Simply Cash Visa卡本地簽賬1.5%回贈比其他卡高少少,不過有卡指定類別有高嘅比率,例如信銀國際Motion信用卡網上簽賬 / Apple Pay回5%、安信WeWa卡旅遊、卡拉OK、戲院、主題公園類別回4%、東亞 i-Titanium 卡網上簽賬回3%、Citi Cash Back Visa信用卡本地酒店、食肆回2%、仲有滙豐「最紅自主獎賞」6X「獎賞錢」計返回2.4%、Visa Signature卡9X「獎賞錢」回3.6%。
如果唔係以上呢一堆簽賬類別,例如八達通自動增值,出一張渣打Simply Cash Visa卡嚟簽都唔錯嘅。
如果係全新客戶,有興趣可以出卡賺迎新,因為實在係好易賺。
渣打Simply Cash Visa卡詳情按此