臨到年尾，除咗準備去旅行之外，仲要睇睇自己信用卡積分點計，溝埋做優惠啦。依家東亞銀行就同HK Express嘅reward-U合作，推出三樣優惠，點都有款係適合你嘅。
第一項優惠，由即日至17年2月28號，東亞銀行信用卡可以兌換reward積分。登記咗BEA飛行里數獎賞嘅客戶可以憑一個獎分換兩個reward-U積分，難得雙倍！而喺3月1號開始，都仍然可以將獎分換為reward-U積分，只不過就只係一換一。而其他東亞卡持卡人都可以用BEA獎分換reward-U積分，但即日至17年2月28號前係一換一，到3月1號後就變成2個BEA獎分換1個reward-U積分，所以要快手啦。
第二項優惠，喺呢段日子以「分分獎賞集」用獎分換得最多reward-u積分嘅頭25位客戶，可以得到2張免費去塞班島機票。
第三項優惠，買好晒機票嘅人都有優惠，由今個月15號開始至17年2月28號坐HK Express任何航班個陣，出示東亞信用卡同「熱奶茶換領券」就有免費熱奶茶一杯。而換領券喺網上就可以列印，要留意啦！
詳情：https://www.hkbea.com/html/tc/bea-credit-card-reward-offer-reward-u.html