有折再賺現金券 購物連賺雙重優惠
有折再賺現金券 購物連賺雙重優惠
相關信用卡:

有折再賺現金券 購物連賺雙重優惠

發表日期: 2017 年 04 月 08 日 更新日期: 2017 年 04 月 08 日 Asia Miles 信用卡購物
作者:積克

簽卡賺著數,有時要睇啱時機,等某張信用卡或里數計劃同某間舖頭做優惠,買嘢有特價,或者送額外里數,再加埋信用卡本身嘅簽賬獎賞,實行兩邊賺。如果再加埋商場優惠,就可以再賺多一層。

 

買靚衫賺雙重里數
最近Asia Miles出咗個Armani優惠,每簽$2有1里數,加埋信用卡賺里數,儲得更加快。


Asia Miles X Armani
優惠期至:5月14日
優惠:
於指定Armani Collezioni、Armani Jeans及Armani Junior店鋪消費滿$2,000,每簽$2有1里數,每筆消費最多可獲取10,000里數。

其中一間Armani Jeans同Armani Collezioni喺海港城港威商場入面,用渣打亞洲萬里通信用卡可以賺里數之餘,仲可以換現金券。

渣打 X 海港城
優惠期至:6月30日
優惠:
單一簽賬滿指定金額,可獲額外現金券,每人以同一信用卡每月最多6次可換領獎賞。
單一簽賬滿$500或以上,可享額外1小時免費泊車。
單一簽賬滿$60,000或以上,可獲$800 Starbucks現金券或city'super購物禮券。

單一簽賬金額 / 現金券價值 / 現金券種類
$500-$1,999 / $25 / Starbucks
$2,000-$9,999 / $100或有機會贏取$200 / Starbucks 或 city'super
$10,000或以上 / $500或有機會贏取$1,000 / Starbucks 或 city'super

假設我去Armani Jeans / Armani Collezioni買$2,000,可以賺到1,333里數 (1,000 + 333里數,約$1.5=1里數) 同$100或$200現金券,再加額外1小時免費泊車

 

美容產品即折再送油券
Citi信用卡同幾間美容產品公司做緊優惠,買滿指定金額有即時折扣,當中BOBBI BROWN、CLINIQUE、ESTEE LAUDER喺又一城有分店,可以賺埋又一城送嘅蜆殼油券。


Citibank X 美容產品公司
優惠期至:4月30日
優惠:
單一簽賬每滿$1,000可獲$100即時折扣,滿$2,000可獲$200即時折扣,如此類推;同時可獲指定免費服務或禮品。

又一城
優惠期至:4月30日
優惠:
以電子貨幣累積消費滿$400 (星期一至五,公眾假期除外) 或$600元或以上 (星期六、日及公眾假期) ,可換領3小時免費泊車及1套6張$40 Shell油券。每次最多可累積4張收據,每張最少$100。
以Shell Bonus咭 (黃色) 惠顧汽油$400(以撇除禮券後的淨值付款額計算),可使用優惠券1張。

假設去CLINIQUE買$1,100,用Citi PremierMiles信用卡實付$1,000,可以賺到125里數 ($8=1里數),同1套蜆殼油券 ($40 x 6),再加額外3小時免費泊車

 

買喼有折再賺禮券
而家用銀聯卡去Samsonite指定買嘢,會有88折。用交通銀行信用卡去新城市廣場有一田禮券禮券送,又可以一齊賺。



銀聯 X Samsonite
優惠期至:5月7日
優惠:
Tileum系列指定產品6折,正價產品 (Samsonite Black Lable、Samsonite及Samsonite RED產品,旅行配件除外) 88折。

交通銀行 X 新城市廣場
優惠期至:5月31日
優惠:
優惠期內逢星期五、六、日及香港公眾假期,簽賬滿指定金額 (同日最少2張及最多4張不同商戶交易單據),可獲一田禮券。可累積最多3張單據,每張$300或以上,每個信用卡賬戶同一日最多可換領獎賞1次,於整個推廣期最多可換領獎賞3次。

單一簽賬金額 / 現金券價值
$2,000或以上 / $50
$4,000或以上 / $150
$10,000或以上 / $600

假設用交通銀行銀聯雙幣鑽石卡買Tileum Spinner 20吋喼,原價$4,250,6折後$2,550,滿$300有2X積分,大約換到$20.4回贈或425里數,同埋$50一田禮券。
交通銀行同時做緊「紛紛處處賞」優惠,累積簽夠$5,000或以上有額外積分,新城市廣場嘅簽賬額可以換禮券,亦可以計埋入「紛紛處處賞」。
大家可能知道Samsonite係Asia Miles合作夥伴,可以賺里數,不過用咗銀聯折扣優惠,就唔可以同時賺里數,只能二選一。

 

以上只係以其中3個商場優惠做例子,如果大家見到其他商場優惠,又有想幫襯嘅鋪頭,都可以計下去邊間分店買會抵啲。