星期四、五睇戲買一送一

暑假過咗大半，唔知大家睇晒啲暑期猛片未呢？我就未睇晒，因為呢兩個月好忙，經常OT，放咗工都冇精神睇戲，寧願返屋企，星期六、日就喺屋企攤抖補眠。不過有啲戲差不多落畫，真係要快啲去睇咗先，有啲得返一、兩間戲院仲上緊，但間戲院唔就腳，唯有等出碟。

通常我都會一支公去睇戲，唔使就人想睇邊套就睇邊套。如果同朋友一齊睇，我就會去百老匯、PALACE或AMC戲院，因為AE白金信用卡今年有個全年優惠，逢星期五去以上戲院睇戲，買飛都係買一送一，平日買飛、3D電影都有85折。約埋佢哋星期五睇，可以當半價。最近仲加埋星期四都有買一送一，網上買飛一樣有相同優惠，不過3D電影冇買一送一。呢個優惠一樣做到年尾，可以睇埋聖誕檔期嘅哈比人同翻生侏羅館3。