放假去邊好 ? 南歐小島風情愉景灣一天遊
放假去邊好 ? 南歐小島風情愉景灣一天遊
相關信用卡:

放假去邊好 ? 南歐小島風情愉景灣一天遊

發表日期: 2015 年 07 月 17 日 更新日期: 2015 年 07 月 17 日 生活
作者:Ruby Lo

放暑假有咩地方去? 如果唔想留係市區可以去愉景灣行下散下心,充滿異國風嘅愉景灣有大白灣沙灘可以吹吹海風、又有行山徑及觀景台, 玩完一日仲可以去食自助餐。除咗公共交通公具同高爾夫球車之外,愉景灣係禁止私家車行駛,所以空氣質素特別好。
愉景灣交通小貼士 :
渡輪-   由中環3號碼頭乘坐渡輪往愉景灣,船程約25分鐘。位於愉景灣碼頭旁的正是D'Deck。

巴士-   於東涌港鐵站乘搭DB01R / 香港國際機場乘搭DB02R / 欣澳港鐵站乘搭DB03R 可直達愉景灣巴士總站,車程約20至30分鐘
於香港國際機場乘搭DB02A / 欣澳港鐵站乘搭DB03P可直達愉景灣北商場或香港愉景灣酒店

的士-   的士可於愉景北愉景灣酒店對面限制範圍內上落客

呢間白色禮堂差唔多係愉景灣嘅地標,透明玻璃設計同海灣融為一體 , 好多人都會係呢度結婚 , 平時唔會開放 , 大家都可以係出面影下相。

今年4月我都有去愉景灣仲係呢個位影過相,影出嚟都幾好(好自戀啊!),今個夏天都打算再去 !!!!!

如果影相都唔夠可以坐馬車浪漫下, 不過馬車觀光路線只會係愉景北範圍。
馬車觀光時間 :每日開放
售票地點 : 愉景灣酒店活動中心
電話 : 2295 8140
票價:  $250元/ 程 (指定日子及假期除外)

夏天可以去大白灣海灘曬下太陽游下水,唔少情侶、家庭假日都會去到海邊閒逛吹吹海風。沙灘加上具異國風情嘅建築物,真係猶如置身國外。

依家仲有11米高的巨型充氣滑梯將進駐愉景灣大白灣沙灘,成個八月免費任玩。只要親臨大白灣沙灘服務台,用手機即場讚好「香港愉景灣」Facebook專頁,就全日免費任玩。
日期:8月1日至30日
時間:11am-6pm

怕曬都唔緊要 ,  愉景北商場有個全港最大的室內遊樂場「歷奇王國」(Discovery Land),大人細路都可以入去玩。有皇牌遊戲air trek係高空經過不同關卡行走,仲有迷你高爾夫、攀石等運動型的活動。
地址: 愉景北商場 31號
電話: 2441 0098
營業時間: 星期一至四:9:30am – 7:30pm,
星期五、六及公眾假期前夕:9:30am – 8pm,
星期日:9am – 7:30pm

收費:
平日: (星期一至五 ,公眾假期除外)
兒童(1–12歲):每位$148(已包括一名陪同家長或助理)此後每位陪同成人 :額外$50
成人(13歲及以上):每位$168
週末:(星期六、星期日及公眾假期)
兒童(1–12歲):每位$188(已包括一名陪同家長或助理)
成人(13歲及以上):每位$200
其實係香港愉景灣酒店都有得玩有得食 !
地址:香港大嶼山愉景灣海澄湖畔路88號
電話: (852) 2295 8288

香港愉景灣酒店將於7月19日起,逢星期日至二舉行「暑期繽紛夏令營」,可以一家大細係三日兩夜的旅程中,參加多項有趣遊戲及活動,包括最近大熱的Bubble Soccer、照顧馬匹、親子烹飪等,夏令營收費如下:$4,388起,包括1. 山景客房兩晚 2. 每日自助早餐 3. 半自助午餐一次 4. 參與暑期繽紛夏令營之所有活動。


民以食為天又點可以唔講食 ? 我就推介去香港愉景灣酒店食自助餐。依家香港愉景灣酒店 Café bord de Mer & Lounge由7月11日起將推出「盛夏熱帶自助餐」,供應豐富美食及海鮮同一系列熱帶主題甜品。只要用匯豐、恒生或中銀 VISA 信用卡於星期六及日惠顧周末自助午餐及晚餐,就有85 折優惠。如果一家大細去星期日食自助晚餐兩個大人兩個小朋友要($288 x 2 + $208 x 2) = $992 加一服務費後是992 + 99.2= $1,091.2 ,85 折優惠後就只要 (1091.2  x 85%)= $927.5 ,咁就慳咗$163.7。

愉景灣有得玩有得食 , 動靜皆宜 , 心動不如行動 !!!!
盛夏熱帶自助餐85折優惠


如果想睇多啲我嘅介紹可以去我嘅Facebook PageInstagram