各位莘莘學子, 不論你係大專學生定為前途拼搏緊嘅進修一族, 都應該係時候收到學校發出嘅催命符 --- 繳(學)費通知單!
嗰頭拆利是, 呢頭又要交學費, 真係左手黎右手去……交學費嘅支出, 幾千蚊閒閒地, 多則幾皮野亦唔出奇 (講緊係一個semester咋)! 所以點樣善用信用卡黎交學費係極之重要! 就算你冇梁同學嘅「特別的朗誦技巧」, 馬年馬上學返一招半式交學費技巧, 賺盡優惠咁先最實際!
我自己選用嘅優惠 -
富邦信用卡:
*逢星期六、日每滿HK$300或以上之本地簽賬 , 每簽HK$1 = 2積分*
例: 交學費HK$10,000 = 20,000積分 = $100回贈/Coupon
記得要開通網上銀行服務! 呢個優惠期暫時做到2014年2月28日, 但相信會加推, 不過以穩陣計就梗係交左先啦! 個人覺得呢個優惠好均真,
計返有成1%回贈,
低至20,000積分就換到 $100回贈/Coupon, 熱心地「幫」同學仔交埋仲可以儲多啲…呵呵…到時請返佢食個Tea都有so丫!!
如果係白金卡或Titanium卡客戶仲可以用積分換「亞洲萬里通」里數添! 最方便係佢可以用網上銀行就做到繳費手續兼儲分, 唔會諸多限制; 但要
記住係星期六、日先好上網交呀, 同埋要留意每月所獲贈嘅積分最高只可達信用額嘅兩倍 (而白金卡或Titanium卡客戶就有三倍), 唔接受臨時加額, 大家要量力而為喇!
加推介紹 (1)- 上海商業銀行信用卡 *透過網上銀行繳費, 每HK$1可獲1分消費積分或相應之現金回贈* 例: 交HK$10,000學費 = 10,000消費積分 (可用8,500積分換Häagen-Dazs單球雪糕劵一張 - 價值HK$35)
無需登記, 但要開通網上銀行服務! 透過網上銀行繳交教育學府費用, 每簽帳HK$1可獲1分消費積分, 積分有效期仲有成兩年(都算耐)添; 而且用法比較彈性, 低至8,500分已經有野換, 非常好! 除左換Coupon仲可以換餅卡、現金回贈、八達通增值額同埋「亞洲萬里通」里數等等, 都算大包圍, 梗有一款啱你卦?! 講講下都流口水, 我都馬上申請返張先!加推介紹 (2)-
恒生信用卡 * 3x Cash Dollars 教育簽帳類別 - 港幣網上交易獎賞* 例: 交學費HK$10,000 = Cash Dollars $120 (如未能符合此推廣要求, 則可得基本Cash Dollars $40)
優惠期至2014 年12 月 31 日, 愛你一世全年通用, 只要喺上述網址登記左就OK, 唔洗打電話登記架! 呢個恒生信用卡Promotion 於
網上交教育簽帳類別嘅費用都有3x Cash Dollars優惠, 但比較多限制, 一定要注意睇下適唔適合自己 (下面詳列以供參考):
- 記住, 一定要經各院校嘅自設網上繳費系統, 用已登記信用卡交費先有3x Cash Dollars優惠, 經恒生網上銀行繳費係冇架! 各個院校嘅繳費系統同手續都唔同, 詳情要問返學校有關部門.
- 只限於繳交認可課程嘅學費, 其他如考試費、報名費、騎呢雜費一律唔包架! 而所謂「認可課程」係根據持續進修基金可獲發還款項課程名單為準, 快啲參考網頁睇下自己讀緊嗰個有冇份 http://www.sfaa.gov.hk/cef/cnlist.htm
- 如果你咁好彩符合晒上述條件, 都要留意返呢個推廣優惠 (連同同時登記的網上旅遊及外幣付款簽帳/海外及分期簽帳), 全年最多額外賺取Cash Dollars嘅上限係 $2,000, 如果爆左數賺盡, 可以選擇用第二張卡交啦!
- 恒生信用卡要每滿HK$250先有 $1 Cash Dollar, 多出嘅零頭會被自動略去不作計算, 最好自己計清楚條數先唔會蝕水!
加推介紹 (3)-
恒生大學/大專聯營信用卡 (城大/浸大/中大/ CUSCS/恆管): *3x Cash Dollars 自我增值獎賞* 例: 交HK$10,000學費 = Cash Dollars $120
優惠期至2014年6月30日 我諗正常申請得呢張卡嘅同學, 都會知道並善用呢個優惠; 呢張卡除左可以交學費(但有限制,可以睇上面第2點), 連去書店買野、交公開考試費用都一樣有3x Cash Dollars! 唯一唔好處係成個推廣期額外賺取Cash Dollars嘅上限先得嗰$500, 好似少左啲, 但都好過冇啦! 提提同學們如果參加左呢個獎賞計劃, 就唔洗重覆登記恆生卡「3x Cash Dollars 教育簽賬類別」推廣喇, 因為兩個優惠係唔可以同時享用!
加推介紹 (4)-
中銀信用卡 *「繳費易」服務, 每HK$1交易金額可獲1簽帳積分優惠* 例: 交HK$10,000學費 = 10,000簽帳積分 (最少要25,000分先可以換到$100 Coupon)
優惠期至另行通知 透過銀通自動櫃員機「繳費易」服務交教育機構費用, 手續費全免, 兼有每HK$1交易金額可獲1簽帳積分嘅優惠. 好處係唔需要花時間開通網銀亦唔洗預先登記, 落街見到部櫃員機都就可以交費, 非常方便!
介紹到呢度為止, 希望梗有一款信用卡啱你地用啦!
最後, 祝各位同學馬上考第一, 勤力讀書有「錢」途 ( ^3^)y
炸雞波按: 「沒有最優惠 , 只有更優惠!」
優惠眾多恕未能盡錄, 如你有更精明嘅選擇, 歡迎報料同大家一齊交流下!
--- 多謝收看! ---