感受真聖誕 盡在芬蘭 Rovaniemi

香港嘅聖誕，正常就十幾度，凍啲就得幾度，雪又唔會落，唔夠氣氛囉。地球另一邊嘅北歐就唔同了，芬蘭拉普蘭區嘅羅凡尼米（Rovaniemi）附近就有聖誕老人村，聖誕老人365日都喺度打躉等你哋去探佢，仲可以順利住埋玻璃屋睇極光、坐雪橇、乘破冰船等等，玩到凍死都值得。

 

聖誕老人村

挪威同瑞典等北歐國家都話聖誕老人住喺佢哋國境入面，唯有芬蘭拉普蘭區嘅羅凡尼米（Rovaniemi）附近嘅聖誕老人村，較為被世界公認。

 

▼聖誕老人在聖誕老人村中的辦公室，他用來接待訪問

唔好以為喺冬天，聖誕老人先會坐陣聖誕老人村，事實上1年365日佢都會坐定定等大家嚟探佢，日日接客。聖誕老人村入面有乜呢？其實聖誕老人有自己嘅辦公室，專門招待訪客，附近仲有個郵局，遊客喺度寄出嘅明信片同信件，都會有印上「Santa Claus Post Office」嘅postmark。當然，大家平時想寄封信畀聖誕老人，可以寄去「Santa Claus Main Post Office, FI-96930 Arctic Circle, FINLAND」，但唔敢保證佢會覆你信。

 

▼訪問可以入住聖誕老人村

 

▼村中有郵局供訪客寄信

 

聖誕老人村仲有個約400平方米面積大嘅展覽廳，介紹芬蘭及世界各地嘅聖誕慶祝方式同習俗。唔好以為聖誕老人村係「獨居老人村」，遊客其實可以入住「Santa Claus Holiday Village」，入伙只幾係幾年，最適合一家大細入住。

 

注意事項：

1. 所謂客隨主便，入到聖誕老人村記住唔好亂同聖誕老人合照，皆因有「專人」幫你影。既然叫得「專人」，你想要返張相，緊係要畀錢買啦，聖誕老人都要出糧架。

2. 聖誕老人好忙架，顧唔到咁多粉絲來信，所以如果想預約佢親手寫信畀你，咁就要先填張表申請，都幾大牌。

 

玻璃小屋酒店

芬蘭最少有3個地方有玻璃小屋酒店，Levi同Saariselka分別有1個，而離羅凡尼米最近，得半個鐘車程嘅小鎮Sinetta有「Arctic Glass Igloos」呢間酒店。

羅凡尼米位於北極圈內，Arctic Glass Igloos酒店就係主打睇極光，所以房間嘅頂頂係個玻璃，畀人喺間房暖笠笠咁睇極光。唔使擔心玻璃頂會積雪，因為佢係加熱玻璃屋頂嚟架。

 

▼Arctic Glass Igloos 玻璃小屋酒店

 

▼齋睇都feel到冰火交融嘅感覺

 

▼又有桑拿室

 

Arctic Glass Igloos唔係傳統豪華酒店，一般餐飲設施當然有，但佢哋殺食嘅係露天浸浴池，位於Lehtojärvi湖畔，環境凍，浸嘅水熱，畀你感受冰火交融嘅感覺。

呢間酒店又唔剩係睇極光同感受冰火感覺嘅，仲可以玩冰雕、玩冰釣等，好似姆明一家咁生活。酒店最好就係離小鎮只有7公里，算近喇，仲可以安排專車喺34.5公里外嘅羅瓦涅米機場（Rovaniemi Airport）接你往返添。

不過有樣嘢要提咗你先，就係佢哋嘅酒店房只有15間，所以好搶手，訂房隨時要預早半年以上，仲要畀定錢先。如果你突然唔去得，佢會食晒你嘅房錢。冇法啦，你突然唔住撻訂，佢唔通喺北極冰天雪地搵人嚟住咩？

 

Husky雪橇之旅

羅凡尼米係芬蘭北極圈內嘅一個旅遊熱點，除咗聖誕老人村同玻璃小屋酒店夠正，呢度仲有個Husky農場，畀旅客坐雪橇遊覽芬蘭浩瀚雪景。唔好以為電視入面啲雪橇可以幫搬主人搬屋，你坐雪橇都可以一家大細上去，事關一架雪橇只可以坐兩個人。
 

▼一隻雪橇只供兩人坐啊

 

又唔好以為拎咗國際車牌就識駕駛雪橇，呢程雪橇之旅你係可以試吓駕駛雪橇嘅，但都唔係咁易，好似你要緊握雪橇條韁繩，同時踩住腳踏，如果唔係，一係Husky離你而去，一係你就喺雪上拖行。另外上斜要用一隻腳落地撐吓幫吓腳，落斜又要識煞車，否則可能出意外。

 

破冰船

拉普蘭區又唔係剩係得羅凡尼米有嘢玩嘅。芬蘭個海岸工業城巿Kemi就有得坐Sampo破冰船。據知芬蘭破冰船之旅唔多，大部分都係從Kemi出發。破冰之旅只喺每年12月中至下年4月有得坐，逢星期三至星期六先有船程開，每日只有正午12點出發呢一班。

▼Sampo破冰船

 

▼乘客可以穿保護衣游北極水啊

 

計返匯率，坐一次破冰船要成$2,500，雖然包食包湯飲，但坐得果4個鐘，值唔值就見仁見智。船上都有餐廳酒吧得，睇吓破冰，飲飲食食hea吓都唔錯嘅。佢哋仲設有游北極水嘅活動，但事前當然要穿上特別保暖衣物啦。

 

跟團慳幾多？

北歐一直係冬季旅遊嘅熱門地點，一家大細嘅都會選擇跟團去，唔少旅行社開團之餘，仲會提供報團優惠。其中美麗華旅遊嘅「春節冰島+北歐四國動感之旅」，除咗去芬蘭，仲會去埋瑞典、丹麥、挪威同冰島，另有一團唔去冰島嘅，兩團都做緊減價，指定時間內報團已經勁減$2,000，如果用恒生卡網上報團仲減多$500，即係每位減$2,500；一家4口去北歐，只就可以慳足$10,000！

慳返果$10,000，去多次短線團都仲得！