更新日期: 2014 年 09 月 04 日
各大小航空公司經常劈價,廉航未必係最廉,大公司亦可能劈到超低,就好似之前國泰個$100商務位,十幾萬人齊搶,又點會搶得到呢?
而家Lady C.就預先向大家報告一個香港航空來回機票優惠,由9月15號至10月31號,用工銀亞洲信用卡訂經濟或商務艙,最低有半價優惠 (詳情)。出發日期由11月1號至2015年1月20號,睇下啲優惠價錢,中國線似乎唔多吸引,減完都唔平,連Fanfares都平過佢,自然唔會揀佢啦。反而曼谷同沖繩嘅商務艙就幾平,$3,000左右就飛得(雖然佢試過劈更多) 。我未坐過香港航空,唔知佢啲Business Class好唔好坐,不過喺網上睇人哋啲遊記,正評㗎喎。