實測 支付寶HK 信用卡 過數 轉賬 收款 功能
實測 支付寶HK 信用卡 過數 轉賬 收款 功能
相關信用卡:

實測 支付寶HK 信用卡 過數 轉賬 收款 功能

發表日期: 2017 年 10 月 12 日 更新日期: 2017 年 10 月 12 日 生活
作者:卡小姐

*16/10/2017 更新:已確認大新英國航空白金卡暫時有分,當係普通簽賬,都係$6/里;中銀i-card當係網上簽賬有10倍積分。

支付寶HK推出咗咁耐,主要都係網上淘寶畀錢或喺商戶畀錢,依家推出轉賬同收款功能,可以由信用卡過數俾人,加上可以提現,會唔會又係一個新嘅賺分方式呢?不過暫時只有部分Android機用戶先可以用到,以下實測點樣轉賬同收款。另外,今次用咗中銀i-card同大新英國航空白金卡去測試,遲啲補充有冇積分!

收款及轉賬
轉賬需要由付款人掃描收款人嘅QR Code過數,所以要整咗先。收款人只要撳「收款」就會出現QR Code,直接俾對方掃描手機畫面或撳「保存收款碼」將個QR Code save低,send俾付款人掃描就可以。


當中可以預先設置收幾多錢,甚至有得幫你計埋AA制下每人畀幾多錢。如果唔入定金額,就由付款人自己設定。


成功收款後會有App通知提示,同時出現係「餘額」裡面。

 

想轉賬(畀錢)去朋友戶口好簡單,只要打開App中嘅「掃一掃」。


掃描對方嘅QR Code或者喺右上角選擇QR Code圖片。

 
掃描完撳「付款方式」,可以選擇以信用卡或餘額畀錢。如果對方冇預先入金額,就可以自己輸入。


睇完冇問題可以撳「確認付款」,再輸入支付密碼就成功轉賬畀人(畀錢)。
 



成功認證後可以透過「提現」功能將錢拎返出嚟,喺「餘額充值」就搵到。


設定好銀行戶口後4個工作天內就會入返去銀行戶口,暫時唔駛畀手續費。


另外,喺首頁個到都可以睇返交易紀錄,以及交易詳情。
 

 

用大新英國航空白金卡實測。

 

另外再用中銀i-card試下。



手續費
餘額轉賬唔會收任何手續費,但綁定信用卡之後再轉賬畀人,每月轉賬超過$5,000後就會收手續費,中銀信用卡係1.5%,而其他信用卡係3%。

限額
雖然支付寶HK有分唔同級別認證,但大部分限額都只分認證前後,冇分等級:

認證前 認證後
單筆支付額度
$3,000 $5,000
(中級認證)
$100,000
(高級認證)
單筆收款額度
少於或等於$2,000 少於或等於$2,000
每年收款額度
$25,000 $100,000
帳戶結餘額度
$3,000 $100,000
每年交易額度
$25,000 $100,000
(中級認證)
不限
(高級認證)


積分
雖然未有確實資料關於邊幾張卡有分,如果銀行當支付寶HK轉賬同PayMe轉賬係同類交易嘅話,大新、Citibank、DBS、交銀、富邦、中銀、建行(亞洲)、安信、工銀亞洲、上商、華僑永亨同中信都應該有分,但實際上都係有待驗證。

不過溫馨提示,
1.暫時iPhone App Store未有呢個版本下載
2.有傳只有當初參加過Beta版測試嘅用戶有得更新
3.如有爭議,一切以銀行及支付寶HK最終決定為準