夏日北海道
夏日北海道
相關信用卡:

夏日北海道

發表日期: 2014 年 07 月 14 日 更新日期: 2014 年 07 月 14 日 旅遊
作者:Lady C.

一講到北海道,好多人就會諗起札幌雪祭、小樽運河,置身一片白茫茫嘅雪景相當好Feel。不過,北海道嘅夏天其實都好好玩,別有一番景致,唔一定要冬天先去嘅。

北海道嘅夏天可以話係花之王國,特別係七、八月,富良野嘅薰衣草田更加係出晒名。而北海道由南到北分佈咗好多個庭園同花園,合稱「北海道庭園街道」,風景靚到絕。當中仲有不少農場,例如富田農場、四季彩之丘,一大片五顏六色嘅花田,好壯觀。



富田農場一大片花海,好靚!



夏天嘅小樽運河。

至於食方面,除咗札幌拉麵、石狩火鍋、三蟹 (鱈場蟹、毛蟹、松葉蟹)、十勝牛等主食,最出名仲有北海道牛奶。而用北海道牛奶製成嘅甜品更加係一絕,特別係雪糕,奶味軟滑香濃,更加可以配合當造水果味道,例如蜜瓜,喺夏天歎番杯,真係爽到震。


北海道好多地方嘅雪糕都係用本土牛奶製造,特別香滑。

雖然我好鍾意一個人去自由行,可以按自己嘅心情同步伐而行,不過如果同爹哋媽咪去,都係跟團方便啲。坊間有唔少北海道夏季團,當中永安旅遊搞咗個北海道美食團,主打北海道米芝蓮星級料理,豪玩豪食,最啱孝敬父母。不過呢個團咁豪,團費自然唔嘢少,原價成三皮嘢一位,係一般北海道團嘅兩、三倍,如果有ICBC信用卡就可以平啲。