國泰/港龍Vantage Pass｢尊尚逍遙通｣組合商務票抵唔抵? 簡介及Zone A分析篇

最近國泰推出一個名為Vantage Pass｢尊尚逍遙通｣嘅特別組合買飛優惠，到底係咪真係有著數、係咪真係抵買、定還是係搵笨搵水魚呢?作為一個計數狂徒，我當然計算一番拆開箇中數據了解。跟住落嚟就等我同大家介紹一下到Vantage Pass｢尊尚逍遙通｣(下簡稱VP)嘅細節內容同先行拆解Zone A短途航點相關數據。

 

1. Vantage Pass｢尊尚逍遙通｣介紹及條款
VP其實係國泰一個打包賣1個人2張不同地方來回國泰/港龍營運商務客艙機票嘅優惠。相關獨立每張機票條款限制(改票、停留、缺口：禮遇)基本上同一般優惠價商務艙機票相當接近。整個VP另外有其相關條款如下要注意:
1. VP所指組合價錢係包票價及香港機場保安稅
2. 稅項及附加費要另外再補
3. 旅遊日期：2016年6月1日至12月31日 
4. 首段旅程必須於8月31日或之前出發
5. 同一名乘客要買兩個目的地不同的來回行程
6. 短途要由出發後3日至7日回航
7. 中長途由出發後3日至30日回航
8. 出發同回程點都係香港
9. 航機須為國泰/港龍營運航班
10. 可以用Open-jaw缺口條款:可選擇缺口行程包括：澳洲及紐西蘭境內之航點、英國及歐洲境內之航點、美國及加拿大境內之航點、中東境內之航點、新加坡及馬來西亞境內之航點。其他缺口行程之目的地，則須為同一國家境內。
11. 改票: 可更改機票組合內的行程、航班及日期，每次重新預訂的每張手續費為港幣1,600元，並須於原定出發日期前辦理手續
12. 退票: 退票只適用於全套未經使用之機票組合，可退還款項為票價之50%，退款手續必須於2017年6月30日或之前辦理
13. 可賺取「亞洲萬里通」里數


2. Zone A航點及使用機種

VP最平組合係Zone A+ Zone A組合，票價為港幣6000蚊。跟住就同大家分析下有邊啲航點同使用機種。Zone A航線單程飛行時間由1小時到4小時都有，同一價錢可以飛得更遠更耐能享受商務艙更耐或許係部份朋友考慮因素之一。咁相信東南亞航線會響呢方面比較有吸引力。

3. 平常單買票價比較
平常賣街價錢相信係一部份朋友考慮因素。因為畀得固定劃一收費6千蚊買兩套，盡可能想買到一般都賣得貴的航線。部份國內、東南亞航線由於少競爭對手有提供香港直飛目的地，所以本身都賣得相當貴。可以觀察到VP 6千已經相當於2張經濟艙價錢，同時亦平過部份單買1張商務艙的價錢。唯一要注意部份航線有廉航競爭對手經營中，經濟艙價錢相當便宜，心理上未必接受到畀多一大截。
註:以下票價係我以10月18日至10月25日(定義為淡季票價，而Vantage Pass其實可以買旺季票，同樣價錢如果仲買到旺季票如暑假、大時大節，買VP性價比會再提高)

4. 累積馬可孛羅會籍分數及亞洲萬里通里數
千萬不能忽略除咗機票價錢外，仲有一樣不能小看的隱藏著數。由於VP賣緊係可累積里數的商務艙票，因此可以累積比一般特惠經濟艙更多的累積馬可孛羅會籍分數及亞洲萬里通里數。累積馬可孛羅會籍分數到更高會籍級別可享有更多優越禮遇，而累亞洲萬里通里數累積夠又可以再換機票，Zone A最遠距離可以來回累積接近4千里。

5. 商務機票可享優越禮遇
VP啲票係商務票，當然要了解下可以享受到咩好服務:
1. 手提行李上限10公斤(經濟艙為7公斤)
2. 寄艙行李上限30公斤(經濟艙為20公斤)
3. 商務候機室(唔洗再爭住排隊拎魚蛋粉，因為國泰商務機票係用國泰有層次候機室)
國內外都仲有候機室畀你用

4. 優先用商務櫃檯辦理登機手續
5. 更舒適座位、更優質飛機餐、商務艙名牌護理包等
相關詳細資料可睇呢度

總結
根據未經核數師核實的數據睇，對於Vantage Pass Zone A機票國泰係以一個比平時賣價平嚟打包出售。個人概念上認為可以理解為買2張經濟艙機票送你免費upgrade商務，或者係買1張商務免費送第2個目的地商務機票。有少少賣大包畀客戶體驗下商務機票優越款待。另外，如果本身要去相關地方出差公幹朋友又可能會覺得比較易落手買，預先畀定錢打包買有平的感覺。這篇Vantage Pass研究文暫時響呢度暫作休息，關於其他zone的計算請容下回分解。希望大家可以享受愉快旅途。