嘉嘉♥缺水救星 酒店食飯最低6折

嘉嘉呢個月瀕臨破產喇>.<！買完黃子華飛，又幫媽咪買咗幾盒嘉麟樓月餅，等咗好耐嘅LG G3紫色版又開賣，幾時先捱得到月尾呀～！今個月仲有三個fd生日，成班人又話要出去食飯慶祝，點算呀！？

為咗自己個荷包著想，唯有搵下啲平得嚟又唔失禮嘅食肆，再Suggest俾班fd，希望佢哋Like啦。中銀而家做緊酒店食肆優惠，我覺得好似見到救星咁，去酒店食飯，最低6折！好似幾抵喎。吓！6折嗰間原來係香港天際萬豪酒店，喺機場=.=！唔止佢哋唔會揀呢間，連我自己都要諗過先啦。好彩仲有香港逸東酒店Yagura日本餐廳晚市日式放題都係6折，應該大機會啲啩。