更新日期: 2014 年 07 月 16 日
夏天,自然諗起陽光與海灘,雖然好多姐妹都唔鍾意曬黑,不過去到水清沙幼嘅沙灘,加上藍天白雲,自然唔記得要美白,即刻換比堅尼添啦!^_^
講到陽光與海灘,好多人會諗到泰國嘅布吉同蘇梅、菲律賓長灘島、印尼峇里島、馬爾代夫,日本沖繩亦都係其中之一。沖繩除咗主要群島之外,仲有宮古群島、八重山群島等島嶼,當中石垣島就係八重山群島嘅主島。石垣島以海上名勝聞名,有好多好靚嘅沙灘,清澈見底嘅海水,加上藍天白雲,真係靚到絕呀~!去到咁正嘅地方,真係連美白都唔記得啦,即刻換比堅尼添呀!