嘉嘉♥​買冰皮月餅用邊張信用卡抵?
嘉嘉♥​買冰皮月餅用邊張信用卡抵?
相關信用卡:

嘉嘉♥​買冰皮月餅用邊張信用卡抵?

發表日期: 2015 年 08 月 20 日 更新日期: 2015 年 08 月 20 日 飲食
作者:艾力嘉

唔知大家鍾意食邊種月餅呢?近年冰皮月餅相當流行,可能係由於感覺上冇傳統月餅咁油膩,加上愈來愈多唔同口味,可以當甜品食,嘉嘉我都會幾鍾意㗎^.^。見到今年信用卡月餅優惠出得七七八八,係時候同大家睇下用邊張卡買冰皮月餅抵啲喇。


冰皮月餅5折至6折
單以冰皮月餅計,今年每間銀行都係繼續同合作開嘅餅店優惠,例如匯豐X美心 / 東海堂恒生X大班中銀X榮華渣打XHäagen-Dazs,如果各位食開嘅某間餅店,就可以用返合作銀行嘅信用卡買。另外MasterCard就同聖安娜夾,咁好多間銀行都可以有折啦。
咦?咪住!Häagen-Dazs有冰皮月餅㗎咩?我都知其實係冇嘅,雖然Häagen-Dazs係雪糕月餅,唔係冰皮月餅,不過我都納入埋佢,因為都可以當係甜品嘛 :P。

睇返折扣比例,各間餅店都係5折至6折,MasterCardX聖安娜接近5折,幾抵買㗎。例如我星期六用富邦白金MasterCard去聖安娜買4盒至愛經典冰皮月餅,一共$464,就可以賺到928分。如果用DBS Black World MasterCard就可以賺到77里數。

至於冰皮始祖大班就同恒生夾,有55折至6折。另外可以用原價買冰皮尊貴官燕月餅或冰皮迷你四色月餅,再加$1 Cash Dollar換多1盒,可以當係半價呢。又或者用$109加$1 Cash Dollar買4包迷你冰皮月餅(2個裝),比起原價$264慳好多㗎!





積分換領冰皮月餅
除咗可以用優惠價買,有啲銀行都可以用積分換領冰皮月餅。我用返每間銀行嘅積分換領現金券價值做比較,例如25,000分換$100現金券,睇返邊間銀行嘅可以用較抵嘅積分價值換到。當中以上海商業銀行所用積分比較少,4折就換到榮華冰皮月餅,5折左右換Häagen-Dazs雪糕月餅,不過佢好似冇單球雪糕券同雪糕蛋糕優惠券送。


相關連結
嘉嘉♥奶黃月餅 嘉麟樓以外之選
嘉嘉♥信用卡月餅優惠2015