哎呀 之「泰」想睇boxing
哎呀 之「泰」想睇boxing
相關信用卡:

哎呀 之「泰」想睇boxing

發表日期: 2016 年 03 月 08 日 更新日期: 2016 年 03 月 08 日 旅遊
作者:WING KI

上回提要:祖琪上次去完清邁最刺激嘅極限飛索,繼續去尋覓有咩嘢好有咩嘢好睇。突然琪仔靈機一觸,嚟到泰國,點可以唔睇泰~~~~拳~~~~

其實今次睇泰拳嘅決定,我係香港已經計劃好。Boxing咁出名,但係我去泰國竟然一次都無睇過,因為無人肯陪我睇~~實在太慘啦,嗚嗚......所以今次我同祖嚟到泰國,點都要逼佢同我睇一場,yeah~~~

賽前見到一班選手準備就緒,有教練同家人幫佢哋熱身打熱。


拳賽打頭陣嘅係女子代表,唔好以為女仔打泰拳就無料到呀,見到佢地成身都有結實肌肉,又周身都瘀青,唔洗估都知道佢地企得上個台係經過咗日以繼夜嘅訓練。見佢地打到啪啪聲,真係我見猶憐呀,心入面覺得好刺激又好驚佢地會打到出事。
我支持紅色衫女仔,因為佢睇落比較瘦,好似處於弱勢,我梗係撐弱者啦。祖就支持藍色衫,佢話「藍色衫女仔咁大隻,一定贏啦!」哼!我偏唔信。

唉呀!結果紅色衫女仔最後真係輸咗。不過佢地無論輸定贏都好有風度,會去互相擁抱鼓勵下對方。

之後就到男子組,唔係話女子組唔精彩,但係男子組實在精彩太多啦,真係拳拳到肉,好似想將對方置誅死地咁,真係睇到好肉緊呀。


最後梗係唔可以錯過同比賽冠軍影相嘅機會啦。佢真係好大隻呀。(小心眼)

想同大隻猛男集郵,下次嚟到泰國就一定要睇泰拳啦!

琪琪小貼士:泰拳場館外有一個夜市,有好多特色小食同唔同嘅商品買,例如紀念品,衫褲鞋襪等等,應有盡有。大家係比賽前都可以係附近行下食下嘢,夠鐘就準時返去場館睇比賽。

參加方法:到Night bazaar的旅行社
地址:104-1 Chang Klan Road,
Chiang Mai, Thailand
付款方法:現金/信用卡
是次消費:400泰銖(大約100元港幣)