叱吒2013頒獎禮換飛要快！

未到聖誕就講跨年節目，我都覺得好似奇怪左少少。不過撲演唱會門票呢回事，真係要及早準備先得架！好似將於2014年1月1日夜晚8點舉行既MANHATTAN id 信用卡 2013年度叱咤樂壇流行榜頒獎典禮，信用卡客戶尊享積分換門票推廣日期，已經進入倒數一星期階段！

今年大會主題係「叱吒一把火 跨越1/4世紀」，有希望鼓勵樂壇保住心中把火，做好音樂既意思。而作為四大頒獎禮之一，年年都有新聞提早爆得獎名單，唔知今年係唔係又奉旨陳奕迅 x 容祖兒包攬男女歌手金獎？無論如何，一晚可以見盡咁多粒星，真係機會難奉！話之分豬肉獎都好，我覺得點都係睇LIVE SHOW好過隔住個電視囉！

講返積分換飛先，今年都係白金卡優先於11月19日有得換，其他id卡客戶就可以分別於20日及21日憑分換飛(記得每張信用卡最多可換4張門票)：

換C區都要15,000分，以$1換1分既機制黎講，即係都要簽夠HK$15,000先得。萬一真係咁唔好彩撲唔到飛，又或者冇呢張信用卡都仲有機會入場既……就係參加第一同第二階段投票(11月22日~11月29日；12月9日至12月16日)，就有機會抽到兩張門票。


順帶一提，去睇SHOW前後去食少少野飲杯咖啡，用同一張卡都可以享用埋意粉屋/spaghetti 360°優惠，嘆返個雙城牛肉芝士火煱，暖笠笠！