可豪可慳 情人節訂酒店過二人世界
可豪可慳 情人節訂酒店過二人世界
相關信用卡:

可豪可慳 情人節訂酒店過二人世界

發表日期: 2017 年 02 月 04 日 更新日期: 2017 年 02 月 04 日 生活
作者:積克

今年情人節係星期二,相信大部份人都放完農曆年假開咗工。不過呢啲咁重要嘅日子,點都要有啲表示,除咗送下花、食餐燭光晚餐,都可以諗下請一日假,或者提早星期六、日租間酒店慶祝下,過下二人世界。我就搵咗啲啱晒情人節去嘅酒店,希望大家啱使。


維港景色
雖然我哋日對夜對,但維港嘅夜景係世界上數一數二,百看不厭。維港兩岸有唔少酒店,可以由唔同高度、角度,甚至搭直升機飛上天欣賞維港景色。

洲際酒店:房價每晚$3,150起,入住高級套房,須入住兩晚,包全日使用行政貴賓廊。

 

唯港薈:$3,088起,包括ICON 36海景客房一晚,指定餐廳雙人晚餐及禮品。

 


北角海逸酒店:$999起,包一晚住宿雙人自助早餐或晚餐、迎賓鮮果碟、紅酒及巧克力。

 


港島海逸君綽酒店:$3,692起,包海景客房住宿一晚、雙人晚餐及自助早餐。

 


海利公館:$8,888起,包陽台套房住宿一晚、15分鐘直升機港島觀光、雙人早餐、紀念品。

 

漫步沙灘
有時兩個人唔一定要雞啄唔斷,靜靜地坐喺海邊,望住個海,無聲勝有聲。有啲酒店旁邊就有沙灘,日落時候可以漫步,夜晚又可以訓喺沙灘上面曬月光睇星星,浪漫一下,如果唔怕凍的話。

 

想要海邊白色教堂婚禮,唔一定要去外國,愉景灣酒店都有海濱白教堂,準備結婚嘅可以順便睇埋場地。
(一晚住宿連雙人晚餐及早餐$1,988起,升級海景客房加$400)

 


帝景酒店旁邊就係麗都灣同近水灣,仲有青馬大橋做背景,夠晒靚。仲可以去埋汀九觀星台,光害少啲睇星一流。
(一晚住宿連雙人自助早餐$1,088起 / 連8道菜晚餐 $2,088)

 


如果以前同另一半去過梅窩宿營嘅話,入大嶼山香港銀礦灣渡假酒店,應該會勾起唔少回憶。
(一晚住宿連雙人晚餐及自助早餐$1,688起,視乎供應可免費升級海景客房)

 

黃金海岸酒店有唔少兒童設施,夫婦帶埋小朋友去都唔怕會悶親佢哋。
(一晚住宿連雙人自助晩餐$2,188起,升級豪華海景客房連露台加$300,額外每位3-11歲小童每晚另加$150)

 

慳家淨房
話就話情人節預咗使錢,但如果想慳啲,都唔係冇計嘅,有啲酒店淨租一晚唔使$500,當然環境同設施可能冇咁豪華,但話晒都叫做酒店,感覺上總比租時鐘酒店好啲嘅。

以下嘅價格係以13或14號入住一晚為例,喺酒店官網或旅遊網站訂房價,包括手續費 (如有),同埋寫Blog時係仲有房。
Casa Hotel:標準雙人客房$500 (酒店官網)
迷你銅鑼灣酒店:迷你雙人房$496 (酒店官網)
華登酒店:標準房$496 (Hotels.com)
東方泛達酒店:雙人房$490 (Agoda)
最佳盛品酒店 (尖沙咀):標準房$484 (Ctrip)
帝景酒店:山景房$416 (Hotelopia)
香港嘉湖海逸酒店:高級房$392 (Ctrip)
YHA美荷樓青年旅舍:雙人房$397 (Agoda)
華逸酒店:高級房$385 (Agoda)
香港青逸酒店:高級房$334 (Ctrip)

 

假設網上訂YHA美荷樓青年旅舍,用以下信用卡可以賺到:
渣打亞洲萬里通萬事達卡 ($4=1里數):99里數
建行(亞洲)eye卡 (5X積分):$7.94 / 132里數 (1,985分)
DBS Eminent Card:(6%現金回贈,當月累積簽賬滿$5,000):$25.4

以上情人節住宿套餐,如果冇得網上訂,要電話或Email預訂,去到酒店直接畀錢,就可以用東亞Flyer World萬事達卡 ($5=1里數)。