首先多謝哂咁多位俾咁多有用嘅資料我,等我可以將呢個八達通自動增值工程再做好啲(鞠躬)!上次講完最基本嘅自動增值回贈資料(<<詳見呢度呢度),今次就要講返令成件事更抵玩嘅特別推廣,同埋指定信用卡更優惠嘅回贈比例!
先講
Citibank同
建行聯同八達通嘅聯營卡迎新優惠,雖然就咁睇回贈比例好正,但要留意
除咗Citibank特選客戶之外,其他兩種迎新都係換現金券,而且一成功申請就係多一張信用卡,唔同得其他推廣只係要求「首次申請」(<<用括號嘅原因一陣再解)。
如果想要現兜兜回贈,又唔想出張新信用卡,Lady C.我覺得富邦同渣推廣堅係唔錯,尤其係
富邦,只要申請就有5,000分,連埋3位親友可得最高20,000分(等同$100),
冇增值條件冇簽賬條件,只係要維持賬戶6個月以上!
至於
渣打$150現金回贈,需要於2014年3月31日前成功申請同完成首次自動增值(可以選增$150),就可得$50現金回贈喇!至於另外果額外$100就要於2014年5月31日前,其中兩個月每個月自動增值滿$1,800先有……Lady C.覺得有啲麻煩,但真係
有心玩都可以照增,反正先增後用唔會蝕(跌咗張卡咁就真係幫您唔到)。
CV個推廣即係將八達通呢個再X4,自問有抽獎運可以一搏! 玩迎新/特別推廣注意:
- 每間銀行/每個推廣嘅所謂合資格八達通定義都唔同,要睇清楚T&C
- 申請個人八達通費用、轉會手續費係唔包落積分回贈/簽賬要求入面
- 唔好諗住食迎新或特別推廣後即CUT再食其他,大部分都有要求要維持賬戶一段時間
- 包括兩張二合一八達通信用卡在內,申請咗自動增值嘅八達通仍然可以用「八達通日日賞」,但記得自行登記
講完特別推廣,去個靚表!其他喺個表上冇列出嚟嘅信用卡,大致上都係低過$200回$1呢個條件,可以參考返上一篇睇睇資料。希望呢隻精明眼幫到大家揀張適合嘅信用卡去賺自動增值錢啦!
- 每月簽賬達$2,500以上享0.55%回贈;達$5,000以上享0.6%回贈
- 鑽石卡每次簽賬$300或以上可獲雙倍分,所以需每次增值$500或以上
- 以建行八達通信用卡作自動增值,再以匯豐白金卡還建行卡數計算
- 非信用卡,2.5%回贈僅限首年,需注意息率,實際回贈率可能比2.5%低
- 以現金回贈計劃上期月結單尚餘未繳結欠達$50,001或以上計算,如此類推另外可得0.5%~2%現金回贈;需注意息率,實際回贈率可能比5%低