入油 優惠 賺里數 教學 (一) Esso 自動轉換賺2倍

日常生活好多途徑儲里數，例如入油就係其中之一。最近埃克森美孚 (Esso) 有新限時優惠，入油積分自動轉換有2X里數，今次又同大家計下數。

 

賺2X / 1.5X里數
Esso Smiles會員喺8月15日或之前成功登記Esso Smiles積分自動轉換「亞洲萬里通」里數服務，喺8月31號或之前入Synergy Supreme+特級汽油或Synergy Extra汽油，分別會有2X或1.5X積分，變相可以換到2X或1.5X里數。

 

優惠資格
所有Esso Smiles車主獎賞計劃會員都可以參加，喺8月15號或之前經網上或喺油站拎表格成功登記Smiles積分自動轉換為「亞洲萬里通」里數服務。

部分會員冇得用呢個優惠：
－推廣期之前已登記Smiles積分自動轉換為「易賞錢」積分服務；
－Esso車隊咭及折扣咭客戶；
－推廣期內登記Esso Smiles積分彈性轉換為「亞洲萬里通」里數服務。

 

轉回自動轉換須等半年
條款有講，Smiles會員登記Esso Smiles積分自動轉換「亞洲萬里通」里數服務頭6個月內唔可以取消。即係如果想轉返做彈性轉換，就要等6個月。由於係自動轉換里數，所以亦冇得用Smiles積分當油錢。

 

里數轉換計算
基本每5 Esso Smiles積分可以換1里數：
原本入一公升Synergy Supreme+特級汽油，可以賺到15分，即係3里數；
入一公升Synergy Extra汽油，可以賺到10分，即係2里數。

Smiles會員每公升汽油有即減$0.9優惠，按照消委會公佈嘅油價 (6月1號) 計：
每公升Synergy Supreme+特級汽油 = $16.16 - $0.9 = $15.26 / 3 = $5.09 / 里數
每公升Synergy Extra汽油 = $15.04 - $0.9 = $14.14 / 2 = $7.07 / 里數

喺限時優惠之下：
入一公升Synergy Supreme+特級汽油，2X可以賺到30分，即係6里數；
入一公升Synergy Extra汽油，1.5X可以賺到15分，即係3里數。
每公升Synergy Supreme+特級汽油 = $16.16 - $0.9 = $15.26 / 6 = $2.54 / 里數
每公升Synergy Extra汽油 = $15.04 - $0.9 = $14.14 / 3 = $4.71 / 里數

 

睇落自動轉換優惠好似抵咗喎！不過大家唔好心急去轉自動轉換，點解？因為有蹺妙囉，睇埋下一篇就知。

 

相關文章：
入油 優惠 賺里數 教學 (二) Esso 先轉 易賞錢 再轉里數
入油 優惠 賺里數 教學 (三) 信用卡 賺 Asia Miles (Esso)

 

限時優惠：
【申請DBS Black World MasterCard賺12X DBS$及$150禮券！ 】
【經HongKongCard申請美國運通I.T Cashback卡，可額外獲贈$200禮券】
【經HongKongCard申請WeWa卡，額外享$200現金回贈】