做吃貨王 有機贏一百萬里數
做吃貨王 有機贏一百萬里數
相關信用卡:

做吃貨王 有機贏一百萬里數

發表日期: 2016 年 11 月 30 日 更新日期: 2016 年 11 月 30 日 Asia Miles 信用卡旅遊
作者:Salad Ho 沙律

之前介紹過去Asiamiles夥伴餐廳食飯可以賺里數,平時就$2=1里,而家有好消息!Asiamiles做緊promotion,即日起至2016年12月31日,於香港、澳門及中國累積消費滿2,500元,每1元即享 1 里數(最高可享10,000里數)!真係好抵呀!食餐飯或者成班同事飯局幫手簽卡就可以輕易賺到里數,隨時出走旅行話咁易,依家望下有咩好餐廳值得一試先。

 

*香港:

1.Yum Cha

 

「飲茶」係一間新型點心餐廳,價錢唔算貴, 而且點心造型夠別緻,保留傳統精髓之餘,同時注入玩味新元素。「飲茶」有開放式廚房,可以畀客人欣賞廚師手藝,所以一入餐廳門口已經可以見到師傅好有心機咁做點心,點心造型都非常可愛!

招牌菜「睇住流奶」$49,造型可愛嘅流沙奶皇包,內餡量多而且富有咸香,睇得玩得又食得。

 

 

地址:香港尖沙咀加連威老道20-22號3樓

電話:+852 2751 1666

營業時間:

星期一至五:上午11時30分至下午3時,下午6時至晚上11時

星期六、日及公眾假期:上午11時30分至下午4時30分,下午6時至晚上11時

 

2.太平山餐廳

太平山餐廳係香港二級嘅法定歷史古蹟,於 19 世紀期間建成。裝潢以老上海為主,但都摻入咗歐洲鄉村風格,戶外花園茶座享富盛名。餐廳室內裝潢古典優雅,牆上有唔少老照片,洋溢着懷舊情懷。

 

招牌菜「印式香料羊鞍配蒜蓉印度薄餅」$218,用鐵板送上羊鞍,進食時仲不斷冒煙,味道香濃。


地址:香港山頂山頂道121號

電話:+852 2849 1000

營業時間:

星期一至四:上午10時30分至凌晨12時

星期五:上午10時30分至凌晨1時

星期六:上午8時30分至凌晨1時

星期日及公眾假期:上午8時30分至凌晨12時


*澳門

1.360°旋轉餐廳
 

屬澳門最高、唯一嘅360°旋轉餐廳,餐廳每1.5小時旋轉一圈,可飽覽澳門醉人景致。而家香港嘅旋轉餐廳已經消失晒,所以澳門360°旋轉餐廳絕對可以令你回味一下過往回憶。

 

360°旋轉餐廳嘅自助餐提供地道葡國同印度風味美食、海產、意粉等等。下午茶套餐提供精緻甜品、小點,價錢平宜而質素高,所以好受歡迎。

招牌菜「海鮮拼盤」,有蝦、青口、翡翠螺、半殼青口等,新鮮得不得了,隨自助晚餐附送。

 

地址:澳門觀光塔前地, 澳門旅遊塔會展娛樂中心 60樓

電話:+853 8988 8622

營業時間:

星期一至日: 上午11時30分至下午1時,下午3時30分至5時,下午6時30分至晚上10時

 

2.Café Panorama

Café Panorama提供多款亞洲及國際美食,每天提供早、午、晚餐及週末自助餐。餐廳裝潢鮮艷明亮,園林景致怡人。聽講Café Panorama嘅木糠布甸大有來頭,葡萄牙國家足球隊喺02年入住酒店時,每晚都食吃木糠布甸。後來球隊離開時,隨隊廚師將國家隊機密-木糠布甸秘方送畀酒店以作紀念。

 

地址:澳門黑沙馬路1918號1 樓

電話:+853 8899 1020

營業時間:

星期一至日:上午7時至凌晨12時

 

*中國

1.鮮 Café

位於深圳福田香格里拉裡面,聽講係深圳最好食嘅buffet!

 


餐廳擺設走禪味路線,搜羅咗各地美食,有點心、麵類、粥品及老火靚湯,或者中西美饌、海鮮及甜品等,食物種類相當豐富。餐廳設有露台,食客可於戶外用餐。網友推薦海南雞飯、甜品、北京烤鴨同海鮮。

 

地址:深圳福田區益田路4088號

電話:+86 755 8828 4088

營業時間:每日 上午6時至午夜 12時

 

2.冠軍酒吧餐廳

冠軍酒吧餐廳係間美式體育主題酒吧,內部設計都係關於體育主題,有超大液晶螢幕直播最新體育賽事,另外亦有美式撞球同飛鏢畀食客娛樂,鍾意體育一定唔可以錯過。
 

餐廳有各式各樣嘅酒水可供選擇,如進口啤酒、烈酒、特色雞尾酒等。食物方面,主打美式與墨西哥風味佳肴,如牛肉芝士漢堡、雜錦海鮮pizza、墨西哥雞肉餅同烤車打芝士辣肉玉米片等。

 

地址:深圳建設路1002號深圳火車站東側, 香格里拉大酒店 2樓

電話:+86 0755 8396 1387

營業時間:每日 下午5時至凌晨2時


活動網址
 

睇完精選介紹已經食指大動?記得於推廣期內,惠顧香港/澳門/中國任何指定夥伴餐廳,單一認可消費滿300港元/澳門元/人民幣或以上,先可享$1=1里優惠。而且必須累積認可消費滿2,500港元/澳門元/人民幣呀!而埋單時記得要出示會員卡。另外,只要你成為吃貨王,仲會有額外獎品㗎!一獎:一位幸運兒可以得到一百萬里數;二獎:十位幸運兒可以分別得到十萬里數。到時想飛去邊就去邊啦~
 

另外,食好嘢之餘,仲可以順便做埋消費王。因為單一簽賬可賺取兩次里數 !方法係去AM夥伴商戶消費,賺咗第一重里數,之後再用「亞洲萬里通」或國泰航空聯營卡簽賬畀錢/用信用卡積分兌換里數,咁就可以賺第二重里數。 而呢個promotion都有獎品㗎。同吃貨王一樣,只要你成為消費王,同樣有額外獎品㗎!一獎:一位幸運兒可以得到一百萬里數;二獎:十位幸運兒可以分別得到十萬里數。
 

想知咩信用卡同AM合作可以一簽雙賺?嗱,例如有花旗銀行、星展銀行、中國招商銀行、廣發銀行、上海農商銀行及花旗銀行等,將消費積分兌換里數就可以喇。想知道更多機構?可以去呢個網址望望。

 

如果唔想煩惱兌換手續,用以下聯營卡簽賬,日常消費會自動兌換成里數,直接存入「亞洲萬里通」賬戶,超方便!
 

-香港及台灣的美國運通國泰航空信用卡

-香港的渣打亞洲萬里通萬事達卡

-台灣的國泰世華亞洲萬里通聯營卡

-澳門的大西洋銀行亞洲萬里通Visa卡

-中國的中信亞洲萬里通聯營卡或中信國泰航空聯營卡