信用卡 簽賬換機票（四） 來回曼谷機票

香港天氣慢慢轉涼，不如去泰國曼谷感受下陽光啦。之前幾集分享咗換來回日本、台灣同英國機票嘅簽賬額，今次就分享想以「亞洲萬里通」同Avios換來回泰國曼谷機票要簽幾多。

 

1.亞洲萬里通
想換來回曼谷嘅經濟艙機票，以「亞洲萬里通」里數去換就需要20,000里。

渣打亞洲萬里通萬事達卡一般簽賬係$6/里，但網上簽賬可以做到$4/里，所以簽$80,000就可以換到機票。
詳情：https://www.hongkongcard.com/s/wFNin
申請信用卡：https://www.hongkongcard.com/welcome-offers/scb-asiamiles-mastercard

而美國運通國泰航空尊尚信用卡一般簽賬都係$6/里，外幣簽賬就係每$6有1.5里，即係$4/里。如果係本地網上簽賬，大概簽$120,000就可以換到來回泰國機票。
詳情：https://www.hongkongcard.com/s/7R4Kz
申請信用卡：https://www.hongkongcard.com/welcome-offers/amex-cx-elite

呢兩張卡都係亞洲萬里通聯營卡，所以里數會直接存入賬戶，唔駛畀手續費。

 

2.Avios
雖然比較少信用卡可以儲Avios，但換來回曼谷機票只要15,000里就換到。

Citi Prestige信用卡一般簽賬係$6/里，簽$90,000左右就換到機票，而且兌換時唔需要畀手續費。
詳情：https://www.hongkongcard.com/s/u1r3V
申請信用卡：https://www.hongkongcard.com/welcome-offers/citi-prestige-mastercard

滙豐Visa Signature卡一般簽賬係$16.67/里，但登記「最紅自主獎賞」後指定類別會有9倍獎賞錢，例如登記「賞玩樂」後唱K、睇戲都低至$1.85/里，即係大概簽$28,000就換到機票。
不過要留意，持卡人要有滙豐卓越理財信用卡先可以將「獎賞錢」換成Avios，同時要畀手續費。
詳情：https://www.hongkongcard.com/s/GyyBc
申請信用卡：https://www.hongkongcard.com/welcome-offers/hsbc-visa-signature

 

里數計算機
唔想自己慢慢計每個月用咁多錢儲到幾多里數？依家HongKongCard推出咗里數計算機，只要輸入簽賬額就會顯示所賺里數，可以知道自己喺某一種簽賬儲到幾多里數。

里數計算機可以計到「亞洲萬里通」、Avios、鳳凰知音同KrisFlyer嘅里數，部分信用卡有額外積分上限，里數計算機都可以就住上限計出答案㗎。
教學：https://www.hongkongcard.com/blogs/2215

不過溫馨提示，
1.滙豐信用卡兌換里數時要畀$300年費
2.以上係以換國泰航空來回泰國曼谷機票為例子
3.計算機可獲里數僅供參考
4.如有爭議，一切以銀行最終決定為準

 

相關文章
信用卡 簽賬換機票（一） 來回日本機票
信用卡 簽賬換機票（二） 來回台灣機票
信用卡 簽賬換機票（三） 來回英國機票