信用卡 簽賬換機票（二） 來回台灣機票

之前分享咗唔同信用卡要簽幾多錢先可以換到來回日本機票，其實唔一定要有長假先去到旅行，周末近近地去轉台灣都唔錯，所以今次就分享要簽幾多先換到來回台灣機票，包括換「亞洲萬里通」同Avios。
 

1.亞洲萬里通
雖然「亞洲萬里通」來回台灣所需里數比較多，要15,000里先換到，但依家都有好多儲「亞洲萬里通」嘅渠道，例如信用卡簽賬、預訂酒店或會員積分轉換等等。

平時喜歡網購嘅話，美國運通國泰航空尊尚信用卡網上外幣簽賬係每$6有1.5里，即係$4/里，大概簽$60,000就換到機票。

而滙豐Visa Signature卡喺登記「最紅自主獎賞」後會有9倍「獎賞錢」，平時比較多外幣簽賬嘅話可以登記「賞世界」，再加上今年內網上外幣簽賬會有額外「獎賞錢」，簽賬低至$1.79/里，總共簽$34,000左右就換到機票。
不過要留意，滙豐「最紅自主獎賞」嘅額外「獎賞錢」只限簽賬金額首$100,000，網上外幣簽賬優惠上限係每階段額外$300「獎賞錢」。

 

2.Avios
依家比較少信用卡可以儲到Avios，但用Avios換來回台灣機票嘅里數就少好多，只要9,000里就可以換到來回機票。

Citi Rewards卡日常簽賬係$15/Avios，但喺超市簽賬就屬於指定5倍積分簽賬類別，可以做到$3/Avios，即係簽$27,000左右就換到機票，每個月結單周期內額外4X積分上限係50,000分。生日月份仲有額外3倍積分，做到$1.875/Avios，而呢3倍積分上限係月結單周期內15,000分。

滙豐Visa Signature卡去超市買嘢同樣有優惠，可以登記「最紅自主獎賞」中嘅「賞家居」，簽賬低至$1.85/Avios，大概簽$17,000就換到機票。
不過要留意，滙豐「最紅自主獎賞」嘅額外「獎賞錢」只限簽賬金額首$100,000。

 

里數計算機
唔想自己慢慢計每個月用咁多錢儲到幾多里數？依家HongKongCard推出咗里數計算機，只要輸入簽賬額就會顯示所賺里數，可以知道自己喺某一種簽賬儲到幾多里數。

里數計算機可以計到「亞洲萬里通」、Avios、鳳凰知音同KrisFlyer嘅里數，部分信用卡有額外積分上限，例如上文提到去超市買嘢嘅額分積分會有上限，里數計算機都可以就住上限計出答案㗎。
教學：https://www.hongkongcard.com/blogs/2215

不過溫馨提示，
1.滙豐信用卡兌換里數時要畀$300年費，換Avios需要同時持有滙豐卓越理財信用卡
2.Citi Rewards兌換時需要畀手續費
3.計算機可獲里數僅供參考
4.如有爭議，一切以銀行最終決定為準

相關文章：
信用卡 簽賬換機票（一） 來回日本機票