五號仔仲買唔買得過?
五號仔仲買唔買得過?
相關信用卡:

五號仔仲買唔買得過?

發表日期: 2015 年 02 月 27 日 更新日期: 2015 年 02 月 27 日 生活
作者:任以風

匯豐控股(0005)2014年稅前盈利大倒退17%,遜於市場預期,業務全線倒退,仍然要靠香港和英國兩大傳統基地頂住,加上去年為訴訟和罰款撥備達30.8億美金(約240億港幣),而且仲未計瑞士分行協助客戶逃稅果單,生意做唔好仲咁多醜聞,五號仔仲買唔買得過?

買五號仔多數想長揸收息,但另一方面2008年金融海嘯後匯控股價有目共睹,贏息輸價相信係最大憂慮,啲息夠唔夠填數?不如計計佢!

假設唔好彩喺2008年頭入貨,買入60,000股匯豐,一直持貨到而家會蝕幾多?08年1月3日收市價是$124.35(股價已消除股息影響),而15年2月24日收市價是$69.45,呢批股份總供蝕$3,294,000,即約44.15%。咪住,唔好唔記得2009年3月嘅世紀供股,當年「十二供五」,作價$28,60,000股可供25,000股,假設供盡,至15年2月24日供股股份賺$1,036,250,即約1.48倍。埋單計,投資者買入兩批股份供花費$8,161,000,至15年2月24日持有總值$5,912,250的85,000股匯豐,蝕$2,248,750,約27.55%。

股息方面,五號仔一般一年派三次中期息加一次末期息,供完股拎住85,000股收息咪話唔和味。匯控好多時可以選擇以股代息,以下數據假設只收現金息:

唔計2015年3月先過戶嘅2014年末期息,投資者共收息$2,033,185,減完收息得益成個投資暫時蝕$215,565。
如果你話要賺價,要翻幾翻,五號仔呢一兩年都無咩可能。不過如果想賺息,你又肯定自己夠長命(係廿年之內仲生存而地球未毀滅),絕對有得賺!