七一四日假去唔去旅行好?

說黎緊6月30日就想請返日假，連住七一，等自己可以連放4日，同幾個朋友去返轉台北四日三夜之旅，透透氣，咁就上zuji望望有咩package喇，發現最近zuji同渣打有個5%現金回贈優惠，再睇真啲，原來要一次過係zuji簽夠一萬或以上，先有呢個優惠，而最多回五舊，再做下功課，原來zuji以前都有同渣打合作，仲有成千蚊回贈，優惠呢啲嘢變得真係快呀，以前有九折，而家就得九五折，我只係想假期去旅行有多小小優惠啫。

5%回贈之外，都叫做有張抽獎券送下，博下果10個100%現金回贈機會。

之但係旅行始終要去，係zuji度碌一碌啲台灣套票，6月28去，7月1 返，平極都要二千五多啲，篤下計數機，即係用到一萬鬆啲，咁都叫做用到呢個優惠盡喇，咁再望下如果新客戶申請張渣打卡，會唔會又有咩迎新優惠喇，原來有個簽滿HK$8000蚊，回贈HK$800蚊嘅迎新優惠，即係申請張渣打信用卡，再係zuji度碌一萬都叫做有HK$1,300蚊回贈，打返個87折。

平極都要HK$2,500蚊，仲要晚機去，下晝返，都真係諗下先得。

你可能會問如果唔要現金回贈，有無飛行里數換下呀？渣打就俾左第二個選擇 (於新卡獲發出後首2個月內憑新批核之渣打WorldMiles卡簽賬之每HK$4合資格簽賬可賺取1里數，合資格簽賬額之上限為HK$128,000)，再加埋個網上申請優惠 (新卡獲發出後首2個月內憑新批核之渣打WorldMiles卡累積合資格簽賬滿HK$5,000或以上) (詳情按此)，即係如果就咁係zuji簽一萬，拎到嘅里數係(HK$3,000+HK$5,000÷4)=HK$4,250，對於無儲開里數嘅朋友，真係無咩作為，要佢果HK$1300蚊回贈可能仲着數。