​2016必備信用卡攻略
​2016必備信用卡攻略
相關信用卡:

​2016必備信用卡攻略

發表日期: 2016 年 01 月 22 日 更新日期: 2016 年 01 月 22 日 生活
作者:積克

一張信用卡卡就算有好多優惠,都冇可能喺各個消費範疇賺盡獎賞,要用幾張卡互補。而每年各銀行都會更新信用卡優惠,有啲延續有啲取消,今次我就揀咗部分信用卡出嚟,袋住佢哋,喺唔同時候簽賬都可以賺多啲獎賞。


飲食
匯豐信用卡
雖然匯豐今年冇咗「最紅星期五」11X獎賞,兌換「亞洲萬里通」又由$1「獎賞錢」=15里數,變成10里數,不過以食飯卡嚟講,匯豐「最紅自主獎賞」仍然可以做到$4.17 / 里數或2.4%回贈,算係好用嘅飲食卡。當然,如果係Visa Signature額外多3X「獎賞錢」就更好,做到$2.78 / 里數或3.6%回贈。

購物
某些卡喺指定商戶有額外獎賞,匯豐「最紅自主獎賞」可以話係百搭,超市、百貨公司、連鎖電器舖等等都有得額外賺,視乎你將「最紅自主獎賞」Set落邊個類別。Citibank Rewards卡指定類別有5X積分,生日月份再多額外3X積分。中銀i-card更加有10X積分,可惜每月Quota較低。

Citibank Rewards卡
超市、百貨公司、電訊商5X積分,每月額外積分上限50,000分;生日月份額外3X積分。

中銀i-card
電器店、超市、電訊商、便利店、戲院10X積分,每月額外積分上限10,000分。

匯豐信用卡
「最紅自主獎賞」6X「獎賞錢」。

非接觸式付款
去超市、便利店、快餐店可以用PayPass或payWave俾錢,有啲附有非接觸式付款功能嘅卡都會有額外獎賞。不過因為上年爆出NFC手機可以隔空讀取呢類卡嘅資料,所以有啲新申請或到期要換嘅卡,暫時冇咗呢個功能,就要等銀行宣布完成系統改善後再換卡。

中銀i-card
10X積分,每月額外積分上限10,000分。

建行(亞洲)eye卡
5X積分,全年額外積分上限300,000分;

信銀國際motion卡
基本回贈0.55%,PayPass 5%回贈,回贈上限$100。

網上簽賬
網上簽賬都有幾張卡都可以用,當中仍然以DBS Eminent Card 6.4%佔優,不過要簽夠$5,000先計,同埋要過多陣先至會唔會續期。信銀國際motion卡首年有5.55%,都值得用。如果要儲里數,就要用建行(亞洲) eye卡,因為預計會有一年兩次嘅「939分」優惠。

DBS Eminent Card (至4月30日)
基本回贈0.4%,網上簽賬6%現金回贈 (當月須累積簽賬$5,000或以上),每月回贈上限$300;指定網上商戶額外4%,每月回贈上限$120。

信銀國際motion卡
基本回贈0.55%,網購5%回贈,回贈上限$100。

中銀i-card
10X積分,每月額外積分上限10,000分。

東亞i-Titanium卡
基本回贈0.4%,網購3% i-Dollar回贈,每月回贈上限$200。

建行(亞洲) eye卡
5X積分,全年額外積分上限300,000分;登記「賞即飛天地」本地旅遊類或外幣網上簽賬額外2X積分,每年可獲額外積分簽賬額$50,000。

旅遊
有唔少卡都有海外簽賬優惠,例如DBS Eminent Card有6%額外現金回贈,不過都係嗰句,要簽夠$5,000先計數。富邦去台灣20X積分=5%回贈,日、韓8X積分=4%回贈,去呢三個地方,都幾好賺。

DBS Eminent Card (至4月30日)
基本回贈0.4%,外幣簽賬6%額外現金回贈 (當月須累積簽賬$5,000或以上),每月回贈上限$300。

富邦白金卡 / Titanium卡
基本$1=1分,海外簽賬4X積分,日本、韓國8X積分 (推廣期內兩個登記限額),台灣20X積分 (每月額外積分上限80,000分,每年160,000分)。

美國運通國泰航空尊尚信用卡、Citi Prestige / PremierMiles信用卡、DBS Black Card
海外簽賬$4=1里數。

東亞Flyer World萬事達卡
$5=1里數。

八達通自動增值
多數卡都係得基本積分或回贈,想賺里數,又係要用東亞Flyer World萬事達卡。以現金回贈計,大新One+信用卡有1%回贈已經算高,。

東亞Flyer World萬事達卡
$5=1里數。

大新One+信用卡
1%現金回贈。

網上繳費
東亞Flyer World萬事達卡比較抵,$5=1里數,不過交稅、保險、學費冇分。富邦上年冇咗星期六、日繳費2X積分,但交學費仍然有基本積分。

東亞Flyer World萬事達卡
$5=1里數。

富邦白金卡 / Titanium卡
基本積分$12=1里數

積克's Choice 必備信用卡:
匯豐信用卡 (最好梗係Visa Signature卡)
Citibank Rewards卡
DBS Eminent Card
建行(亞洲)eye卡 / 中銀i-card
富邦白金卡 / Titanium卡
東亞Flyer World萬事達卡