2015年剛剛開始,各大信用卡都推出新優惠,或者更新咗優惠嘅Terms。揸住一啲比較多著數嘅信用卡,可以賺多啲分或回贈,儲多啲里數,換多啲Coupon。新手同卡精們,大家一齊嚟討論下,睇下邊張卡係你哋嘅心水選擇?
飲食匯豐信用卡 「最紅自主獎賞」同「最紅星期五」11X「獎賞錢」可以講係贏晒,如果係Visa Signature仲會有多額外3X「獎賞錢」,平日9X,星期五就會有14X。如果計埋佢其他優惠,例如最近嘅「結伴賞」同「冬日滋味賞」,會再有額外獎賞,幾抵玩,以匯豐近年作風,相信之後應該仲會有啲唔錯嘅優惠。
當然,唔將倍數撥落「賞滋味」,亦可以撥去「賞玩樂」睇戲唱K、「賞家居」去超市等連鎖電器鋪買嘢、「賞品味」去百貨公司、旅行社、書店同指定零售商買嘢,甚至「賞中華」或「賞世界」喺中國或海外簽賬。只要將倍數谷晒落去其中一個類別,逢星期五就會變成嗰一類最強嘅卡。
舊年交通銀行、上海商業銀行、安信都有做10X積分或回贈 (有啲仍然做緊),特別係交通銀行有做指定節日同前夕10X積分,銀聯雙幣鑽石卡本地簽賬額外2X,即係11X,可以留意下今年佢哋會唔會有同類優惠。
網購建行(亞洲) eye卡 今年繼續網上簽賬有5X積分,登記埋「賞即飛天地」,如果係本地旅遊類或外幣簽賬,可以再加額外2X,一共7X。
DBS Eminent Card
3%現金回贈,網上同海外外幣簽賬都得,可以補返外幣交易手續費條數。
東亞i-Titanium卡
3% i-Dollar回贈,一樣可以補返外幣交易手續費。
中銀i-card
10X積分,不過討論區會員話佢有伏,而且每月只限10,000分,簽$1,100左右就夠數,比較適合小額交易。
旅遊富邦白金卡 / Titanium卡 基本$1=1分,海外簽賬4X,去日本韓國8X,去台灣20X!
去台灣必帶。而每次簽滿$600,可以抽獎抽額外積分,最少2,000分。不過優惠去到2月28日,希望佢會Extend啦。
另外,有啲卡喺海外簽賬儲里數都有加倍獎賞,例如美國運通國泰航空尊尚信用卡、Citibank PremierMiles、Citi Prestige、DBS Black Card $4=1里數,去台灣以外地方就啱用。
超市 / 百貨公司Citibank Rewards卡 5X積分,包晒主要超市同百貨公司,生日月份簽賬會有額外3X,買禮物俾自己可以買得鬆手啲。另外今年佢仲有全年額外消費獎賞,全年四個階段,每個階段中每個月簽滿$10,000,就有額外25,000分。另外,佢交電訊商費用都有5X。
建行(亞洲) eye卡
去便利店用payWave俾錢有5X積分,買嘢記得盡量嘟卡啦。
中銀i-card
去超市、便利店、用PayPass都有10X,但額外獎賞亦係只限10,000分。
八達通自動增值大新One+信用卡 1%現金回贈,可以揀每次增值$250或$500。
安信精明卡
每增值$150回贈$1。
交通銀行銀聯雙幣鑽石卡
簽賬$300或以上有2X積分,自動增值$500就賺到,計返係$6=1里數。
網上繳費富邦白金卡 / Titanium卡 逢星期六、日$300或以上簽賬有2X積分,可以的話就盡量就啱時間交費。(至2月28日,3月1日起2X積分不適用於網上繳費)
必備組合:匯豐Visa Signature /白金卡 / 金卡 + 富邦白金卡 / Titanium卡 + 建行(亞洲) eye卡 + Citibank Rewards卡 旅遊可以加多張美國運通國泰航空尊尚信用卡、Citibank
PremierMiles、
Citi Prestige、DBS
Black Card、渣打
WorldMiles之類嘅里數卡,視乎申請到邊張。