​$2來回福岡機票

之前HK Express做過名古屋、福岡、檳城$200機票優惠，今個星期繼續劈，為咗慶祝一週年，佢由今日起至10月26號每日推出$1單程機票，今日第一日，目的地係福岡，出發日期由即日至2015年6月30號，連稅$558，20kg寄倉行李每程$200。去程時間係13:05，回程時間係18:00，去程時間一般，不過呢個價錢可以接受啦。
 

撳過好多日子，都搵唔到有$1機票，果然要搵著數都係要花時間慢慢撳慢慢搵。如果今日搵唔到心水日子有平飛，或者完全搵唔到有平飛都唔緊要，呢幾日再留意下其他地點嘅$1機票。網上買機票可以用恆生信用卡，網上旅遊類交易會有3X Cash Dollars (詳情)。