​邊張銀聯信用卡好用?
​邊張銀聯信用卡好用?
相關信用卡:

​邊張銀聯信用卡好用?

發表日期: 2015 年 05 月 27 日 更新日期: 2015 年 05 月 27 日 生活
作者:Lady C.

有時去中國或外地旅行嘅朋友會問:「去旅行用邊張信用卡好呀?」,答案有好多,除咗一啲海外簽賬有額外獎賞嘅卡,銀聯卡都係一個選擇,因為大部分都豁免外幣交易手續費,去大型連鎖店或百貨公司,仲會有額外折扣。只不過除咗去旅行簽,其實銀聯卡仲有唔少著數,今次就等我講下有邊張銀聯卡係比較好用啦。


基本資料比較
首先睇下我揀嗰幾張嘅基本資料先:


Citibank、匯豐本地最強
如果以儲里數計,匯豐銀聯雙幣鑽石卡可以用「最紅自主獎賞」同「最紅星期五」,照樣賺6X同11X「獎賞錢」,最低去到$1.52=1里數!不過要留意匯豐同其他銀行嘅銀聯卡唔同,海外簽賬要收1%外幣交易手續費。Citibank Rewards銀聯信用卡亦有本地超級市場、百貨公司同電訊公司簽賬5X積分,$3=1里數,都好易賺,仲可以換埋英航Avios。

上海商業銀行外遊啱用

上海商業銀行銀聯雙幣鑽石卡海外簽賬有3X積分,中國同澳門都計,而佢基本係$8=1里數,即係$2.67=1里數,都幾抵用。

永隆迎新極好賺
本來以為Citibank嘅10,000里數 (150,000分,$0.849=1里數) 同上海商業銀行嘅8,000里數 ($0.875=1里數) 迎新獎賞已經好抵,原來永隆仲正,頭兩個月簽$2,800就有60,000分,基本$12=12分=1里數,連埋基本獎賞就有5,233里數,平均$0.54=1里數。

免費入環亞機場貴賓室
有部分銀聯鑽石卡可以入香港同澳門機場嘅環亞機場貴賓室,例如交通銀行、匯豐、上海商業銀行,全年可以入3次。雖然而家好多人都入到呢個候機室,有時都幾迫下,不過有得免費入去飲下嘢都OK嘅。