​嘉嘉♥食飯用邊張信用卡好?
​嘉嘉♥食飯用邊張信用卡好?
相關信用卡:

​嘉嘉♥食飯用邊張信用卡好?

發表日期: 2014 年 11 月 07 日 更新日期: 2014 年 11 月 07 日 現金回贈信用卡飲食
作者:艾力嘉

飯日日都要食,除咗返工食Lunch,一個禮拜可能都會出街食兩三、次飯,特別係週末,所以出街食飯係一個碌卡賺分嘅好時機,密密食密密賺。銀行自然唔會放過呢個消費大類,推出好多餐廳食肆優惠,希望各位碌多啲卡。咁邊張卡用嚟食飯有著數呢?邊
張又係最抵呢?等嘉嘉我同大家比較下啦!


 
以下將會比較信用卡適用於全港食肆嘅基本食肆簽賬獎賞,未包括迎新、全年食肆優惠,或者針對個別餐廳嘅優惠 (富邦周末2X,聚會啱晒,「掹」車邊計埋佢啦)。

信用卡食肆獎賞比較

  
匯豐星期五勁賺
如果就啱日子,匯豐「最紅星期五」加埋「賞滋味」有11X「獎賞錢」,真係冇得輸呀!如果有匯豐Visa Signature卡,仲會有額外3X「獎賞錢」,加埋14X,超好賺!

節日用交通銀行
交通銀行逢星期五、六、日都有3X積分,都幾好用,不過交行嘅最大用途喺節日同節日前夕,有10X積分,如果用埋銀聯雙幣鑽石卡簽$300以上,再加多1X,總共11X,又係賺到笑,嚟緊呢個聖誕同新年就可以用佢啦。

渣打同時賺分賺回贈
以上嘅卡多數只可以揀換里數或現金回贈,不過渣打係例外,可以賺分換里數之餘,同時賺埋回贈,兩邊冇衝突。不過佢個週六狂賞已經截止登記,唔知大家之前有冇登記呢?同時佢賺回贈每個月最多賺$100,即係食兩餐$500就爆。再加上佢要當月累積零售簽賬滿$5,500以上先計數,其實要賺呢$100係有少少難度。如果想賺多啲里數,就用WorldMiles卡

富邦玩抽獎
本來富邦白金卡Titanium卡係用嚟做海外簽賬,不過佢星期六、日簽滿$300有雙倍積分,而滿$600可以抽獎,贏額外積分,都用得過嘅。

DBS變$5=1里數
DBS全港食肆3X DBS$,計返大約係$5=1里數,都算OK嘅。

Citibank現兜兜回贈
Citibank Cash Back American Express Card個食肆獎賞雖然唔算特別著數,但現金回贈直接入返落卡戶口扣數,唔使煩。

東亞賺現金券 (鳴謝會員max仔提供)
東亞白金卡亦有全港食肆3X積分,不過之前佢取消咗白金卡換里數,而家只能換現金券或禮品。

擇日用卡
如果你好為食,申請匯豐信用卡 (最好梗係Visa Signature啦,如果你夠年薪的話) 同交通銀行銀聯雙幣鑽石卡,然後睇住日子嚟用,就可以勁賺分啦。

星期一至四:匯豐信用卡
星期五:匯豐信用卡、交通銀行銀聯雙幣鑽石卡
星期六:渣打WorldMiles卡 (已登記「週六狂賞」)、富邦白金卡 / Titanium卡
星期日:匯豐信用卡、交通銀行銀聯雙幣鑽石卡
節日同節日前夕:交通銀行銀聯雙幣鑽石卡