​嘉嘉♥羊年賀年糕點信用卡優惠速報

仲有一個月多啲就過年喇，又係時候開始準備。一講起過年，為食如嘉嘉自然會諗起年糕、蘿蔔糕、芋頭糕之類嘅糕點^^。今年有啲信用卡已經出咗賀年食品優惠，即刻同大家睇下先，因為有啲有早買優惠價㗎。

恒生 X 聖安娜 早買價更低
除咗直接簽卡買，亦可以用Cash Dollars直接換或Cash Dollars加錢換，2月5號之前買會再平啲。2月6日至18日買滿$200或以上，$10 Cash Dollars可以當現金$20，即使唔夠$10 Cash Dollars亦可以繼續當雙倍現金用。

東亞 X 鴻星 / 景樂集團 少少折扣
東亞同兩個飲食集團做優惠，不過兩者糕點類嘅折扣唔算好多，頂多都係85折咁上下。

上海商業銀行 X 榮華 / 鴻福堂 / 聘珍樓 直接積分換
上海商業銀行要填Form用積分換榮華同鴻福堂嘅糕點換領券，想人用晒啲分？而聘珍樓嘅雙併糕 (蘿蔔糕 + 椰汁年糕或芋頭糕 + 馬蹄糕各1個) 就有優惠價。

中銀 X 榮華 蘿蔔糕6折
中銀可以用$66 或9,000分 + $21買三款糕點，當中以蘿蔔糕最抵，計返有6折。另外買滿或換門$380，會從單個裝金磚酥2包 ($24)。

DBS X 海景嘉福 / W酒店 / 香港富豪酒店 酒店專門
DBS同三間酒店做優惠，海景嘉福要大量入貨先有多啲折扣，W酒店有7折，香港富豪酒店嘅三星拱照賀年禮盒就做到55折，最啱要嚟送禮，其餘糕點都有75折，減幅都OK嘅，可以考慮。

匯豐 X 美心 一律7折
7折咗之後都算平，同聖安娜差不多，唔知大家覺得邊間好味啲呢？

酒店賀年糕點優惠
想食好啲又特別啲，可以留意下各大酒店嘅賀年糕點，例如九龍香格里拉酒店香宮嘅原隻鮑魚黑松露蘿蔔糕、燕窩咖椰年糕，落足料喎；The Mira國金軒嘅金箔燕窩椰汁桂花糕，夠晒矜貴又夠體面，用嚟送禮送俾長輩就啱晒啦！如果喺網上預訂可以用建行(亞洲) eye 卡，有5X積分。星期六、日用富邦白金卡或Titanium卡買超過$300，會有2X積分。