又到咗一年一度嘅「香港美酒佳餚巡禮」喇,上年因為佔領事件而搬咗去啟德郵輪碼頭,今年返去中環海濱活動空間,之前舉辦紅酒節同荔園嗰時,落雨就會變成一片泥濘,好似打泥漿摔角咁。睇過天文台天氣預報,呢幾日落雨機會較微,應該可以舒舒服服咁品酒歎美食,唔知大家有冇興趣去行下呢?
大熱手工啤酒、威士忌區 近年興起飲手工啤酒同威士忌嘅潮流,手工啤酒因為口味唔似大牌子啤酒咁得兩、三種口味,可以混入唔同材料唔同味道,除咗普通啤酒味,有啲比較淡,帶少少果香味、花香味、蜜糖味,唔係一味得個苦字,所以手工啤酒唔一定係男士專利,都好啱姐妹們飲 :P。
至於威士忌,相信經常去日本或台灣嘅朋友都會試過被朋友託買兩支威士忌返嚟。雖然威士忌對我嚟講係太哽,唔多識欣賞,不過聽聞近年日本或台灣嘅威士忌甚至贏過國際威士忌比賽,相信水準都好高,先令到咁多酒友鐘意。而今年美酒佳餚巡禮除咗有各國紅白葡萄酒做主打,亦有手工啤酒同威士忌區,雖然唔係好大,不過都可以試到唔同口味嘅靚酒嘅。
美食與樂韻相伴 齋飲靚酒好似都係有啲美中不俗,有美食送酒更加相得益彰。美酒佳餚巡禮有唔同美食區,例如小食攤位、星級酒店同餐館嘅招牌菜、由名廚主理嘅宴席,想Casual又得,想Fine亦得。而今年有小塵埃、林奕匡、陳奐仁、包以正、太極做表演嘉賓,有飲有食有歌聽,爽呀^.^!
活動詳情 地點︰中環海濱活動空間
日期︰10月22至25日
時間︰20:00-23:30 (10/22)、12:00-23:30 (10/23-24)、12:00-22:00 (10/25)
最後入場及售票時間:23:00 (10/22-24)、21:30 (10/25)
入場費︰$30 (65歲或以上長者及3至11歲兒童$15)
於10月22日前預先購買品酒證或「品味館」活動券免費入場
獨立購買標準品酒証每張$20
獨立購買尊尚品酒証每張$50
建行(亞洲)卡買飛有著數 建行(亞洲)作為贊助機構,用建行(亞洲)信用卡買飛同簽賬,自然會有
優惠啦。
銀聯雙幣信用卡-即場或網上買品酒證減$60,喺場內指定商戶簽賬有10%現金回贈 (每日回贈上限$500,全期回贈上限$2,000)。
Visa / MasterCard-即場或網上買品酒證減$30,喺場內指定商戶簽賬有額外折扣或贈品優惠。
例如我用建行(亞洲)銀聯雙幣信用卡買兩套標準品酒證 ($200 x 2),只需要$280,去其中一間指定商戶Tacho Wine買一支甜品酒 ($380),10%現金回贈就慳咗$38。
其他優惠 如果你冇建行(亞洲)信用卡,用國泰航空馬可孛羅會會籍去現場或尖沙咀天星碼頭嘅香港旅遊發展局九龍旅客諮詢中心買品酒證,都可以減$25。
用其他網上簽賬有額外獎賞嘅信用卡買品酒證,又可以賺返幾多回贈呢?又以買兩套標準品酒證 ($200 x 2) / 尊尚品酒證 ($480 x 2)連同網上購票每張手續費$8 ($16),一共$416 / $976為例,賺到嘅回贈可能只係剛剛夠Cover網上買飛手續費,所以各位買$200以上嘅品酒證先至上網買啦。
中銀i-card
優惠:網上交易10X積分,每月額外積分上限10,000分
以25,000分 = $100現金券計
獎賞價值:
標準品酒證:$1.664 (基本416分) + $14.976 (3,744分) =
$16.64 尊尚品酒證:$3.904 (基本976分) + $35.136 (8,784分) =
$39.04 東亞i-Titanium卡
優惠:網上交易3% i-Dollar回贈,每月回贈上限$200 i-Dollar ($1 i-Dollar=$1);基本簽賬$250=$1
獎賞價值:
標準品酒證:$12.48 + $1 =
$13.48 尊尚品酒證:$29.28 + $3 =
$32.28 信銀國際Motion信用卡
優惠:網上交易5%現金回贈,每月回贈上限$100;基本0.55%現金回贈
獎賞價值:
標準品酒證:$20.8 + $2.288 =
$23.088 尊尚品酒證:$48.8 + $5.368 =
$54.168