​八達通P2P過數 追數免尷尬

而家有啲手機App支援P2P轉賬，即係由手機過數俾朋友，喺香港好似推唔起咁，唔係好流行。不過最近八達通推出「好易畀」 (O! ePay)，就可以由O! ePay賬戶過數入其他人嘅O! ePay賬戶，亦可以用NFC手機直接過數落八達通卡增值，唔知靠咁多人用嘅八達通，可唔可以吸引到多啲人用呢？雖然呢個係未知之數，不過以後食完飯買完嘢要同朋友夾返錢，就可以用「好易畀」App過數追數，冇咁尷尬。
 

八達通「好易畀」申請資格
－年滿18歲或以上及持有有效之香港身份證。
－「八達通自動增值」服務用戶或
－個人八達通持有人或
－合作夥伴客戶 (目前只有渣打銀行)。
－最後當然要有Android手機 (Android 4.0或以上) 或iPhone (iOS 7或以上)。

申請方式
－經手機 App。
－經合作夥伴銀行網站 (目前只有渣打)。
－交齊文件後3個工作天內完成處理程序 (通常一日內OK)。

申請步驟

4. 輸入地址，然後拍攝3個月內住址證明 (銀行月結單、手機月費單、水電煤賬單，如果經渣打申請可免住址證明)。
5. 輸入手機號碼、電郵地址。
 

服務收費
－基本上免費，如果要出實體月結單，每份$50 (最多可列印七年)。

賬戶結餘及交易上限
－賬戶結餘上限：$3,000
－交易上限：任何連續兩日總交易限額$3,000，包括P2P付款及轉賬至已登記八達通。

賬戶增值方法
－合作夥伴銀行賬戶／信用卡戶口或
－其他人P2P入賬或
－支援NFC嘅Android流動裝置從已登記八達通轉錢入賬戶。

P2P付款
－要先將親友加入O! ePay朋友名單。
－由O! ePay賬戶付款到已建立朋友關係之O! ePay賬戶持有人。
－可以向對方發送付款要求。
－可以向未回覆付款要求嘅收訊人發送付款提示 (每日一次)。
－每次最多可向30人發送付款要求。

八達通增值
－增值24小時之前用Android版O! ePay App登記八達通 (9位數字版)。
－用NFC手機增值入八達通。
－最多可以登記10張八達通。

iPhone有冇得幫八達通增值？
iPhone個NFC一向只係俾自家Apple Pay用，要直接經NFC幫八達通增值並唔可行。不過聽聞八達通會出一個藍牙讀卡器俾iPhone用嚟同八達通卡過數，要用多舊嘢我覺得唔多方便。

更改個人資料
－已登記手機號碼唔可以改，要改就要先取消現有O! ePay賬戶，再用新手機號碼申請一個新賬戶。
－改名同地址要打上CS (2266 2222)。

遺失手機點算?
－可用另外一部手機登入賬戶，終止賬戶同遺失手機連結。
－可以打上CS暫停賬戶。

收錢步驟
喺「最新動態」撳「收錢」，輸入主題、人數 (可揀一人或多人，多人又分不同金額、平分或相同金額)，揀要收錢嘅朋友，撳右上角發送Icon。

 

 

畀錢步驟
同收錢差不多，喺「最新動態」撳「畀錢」，輸入主題、銀碼，選擇朋友，撳右上角發送Icon。

 

 

 

 

八達通卡過數
首先開手機NFC功能，喺「我的賬戶」撳「轉入」由八達通卡過數入O! ePay賬戶，或「轉出」增值八達通卡，輸入銀碼，撳「轉賬」，然後拍卡。

 

 

 

 

我試過一張有自動增值同一張冇自動增值嘅卡都可以雙向過數。如果係用緊八達通SIM卡，係唔可以「自嘟」，要用另一部NFC Android手機登入返自己個賬戶再過數。

 

 

 

 

渣打網上理財增值

 

 

 

 

同類服務比較
市面上有唔同P2P支付服務，除咗八達通「好易畀」，仲有Tap&Go、TNG Wallet、WeChat Pay、BEA App i-P2P等等。除咗P2P過數，各自都有唔同功能，例如Tap&Go可以當PayPass用，可以出上網買嘢，亦可以出張實體卡當信用卡 / 借記卡咁簽卡；TNG Wallet有實時繳費；WeChat Pay同BEA App i-P2P可以入數落銀行戶口，方便拎返現金。

 

 

 

 

至於八達通「好易畀」，主要用過數功能，夾錢收數會方便啲，大前題係你啲朋友都有開賬戶。同埋將收到嘅錢轉落八達通，唔使自己去增值，啱晒懶人，但係作為懶人，又點會冇自動增值呢？不過如果你有幾張八達通，想將啲錢過晒落一張卡度，八達通「好易畀」就幫到你。

信用卡八達通自動增值
如果大家想做埋八達通自動增值，可以考慮下用以下呢啲信用卡：

大新ONE+信用卡 / 渣打行政人員白金信用卡
－1%現金回贈

安信EARNMORE信用卡
－每$150回贈$1

交通銀行銀聯雙幣鑽石卡
－簽賬$300或以上2X積分，每次八達通自動增值$500可獲2X積分

渣打銀聯雙幣白金信用卡
－2X積分

東亞Flyer World萬事達卡
－$5=1里數