相信各位都已經收到綠色炸彈，準備兩個月後交稅。各大銀行都推出咗稅務貸款，等各位可以容易以私人貸款週轉。另外，亦有幾間銀行出咗信用卡交稅優惠，交稅都可以賺返少少回贈。我做咗個表，列出咗幾間銀行嘅信用卡交稅優惠，大家可以比較下。不過要留意，有啲優惠只限特選客戶，即係你要收到銀行寄嚟嘅宣傳信件先有得用。另外，我亦都列埋同一銀行嘅稅貸優惠出嚟，等大家自己對比下。
交稅$50,000以下)－中銀、華僑永亨、匯豐、渣打、建行(亞洲)
中銀信用卡交滿$15,000回贈$50，0.33%比例上算高。
華僑永亨好在冇交稅金額門欖，交幾多到有回贈，不過要簽卡一次$300或以上，同埋經網上銀行繳費一次 (唔包括交稅)，先可以賺到回贈。
建行(亞洲)交$3,000就有$50現金回贈，1.6%相當唔錯，可惜只限特選客戶。
匯豐有兩個優惠俾特選客戶，分別回贈2%同0.4%，不過就有簽賬條件。
渣打特選客戶交$5,000至$20,000稅有1%回贈，都算唔錯。
交稅$50,000或以上－東亞、建行(亞洲)
交$50,000至$100,000稅，東亞，中銀、華僑永亨、Citibank都有大約0.2%回贈。
華僑永亨嘅0.25%可以交到$60,000。
東亞交$100,000以上有0.25%，算係幾高。
建行(亞洲)特選客戶交$80,001就有$200現金回贈，未夠$100,000賺唔到東亞的話，可以考慮。Citibank交$200,000都仲有0.15%，算係咁。