點用Asia Miles換機票?(一) 國泰/港龍網頁兌換教學
點用Asia Miles換機票?(一) 國泰/港龍網頁兌換教學
相關信用卡:

點用Asia Miles換機票?(一) 國泰/港龍網頁兌換教學

發表日期: 2016 年 06 月 13 日 更新日期: 2016 年 06 月 13 日 Asia Miles 信用卡旅遊
作者:Salad Ho 沙律

Asia Miles換機票都有好幾個方法,今次講一講喺國泰/港龍網頁兌換有咩步驟。

兌換之前要留意以下條款:
-國泰航空或港龍航空網頁只接受兌換國泰航空、港龍航空、英國航空、澳洲航空、卡塔爾航空或芬蘭航空嘅獎勵機票。
-獎勵機票唔包括由政府、其他機構、機場營運單位、其他航空公司所徵收嘅附加費。
-國泰/港龍網頁淨係做到直航機票獎勵兌換,如果涉及6間(國泰航空、港龍航空、英國航空、澳洲航空、卡塔爾航空或芬蘭航空)外嘅航空公司或者open jaw等玩法,就要移一移玉步去Asia Miles網站攪喇。

步驟:
1. 首先去國泰首頁,揀「兌換航班」。

2. 然後用Asia Miles號碼同密碼登入。

3. 揀獎勵類別。通常想換機票就揀第一項,可以兌換由國泰航空、港龍航空、英國航空、澳洲航空、卡塔爾航空或芬蘭航空嘅頭等、商務、特選經濟及經濟客艙獎勵機票。
由另外可以換國泰航空同港龍航空營運嘅經濟客艙/特選經濟客艙(只適用於國泰)級別1/級別2優越獎勵機票。

4. 選擇出發地、目的地、旅程類型、客艙級別、出發點程時間同人數。記得要喺航班啟航前最少1小時前預訂。(如果選擇CX/KA)

5. 系統會好聰明咁篩選咗最低里數嘅出發、回程選擇,只要揀返心水日子就可以下一步。(以台北做例)

6. 選擇獎勵類別。所需「亞洲萬里通」里數當要因應獎勵類別級數而唔同。

7. 再肯定一次選擇航班。

8. 然後confirm所需里數、輸入個人資料,輸入信用咭資料畀稅項就大功告成喇。記得mark低預訂編號呀。

國泰網頁:www.cathaypacific.com/cx/zh_HK.html
港龍網頁:www.dragonair.com/ka/zh_HK.html?switch=Y
_____________________________________________
Q&A:喺航班起飛前幾耐就要做好兌換手續?

&C就話換獎勵機票要係航班起飛前4小時後至11個月內啟航嘅國泰航班及港龍航班。
但網頁兌換過程中,就話最少1小時前/4小時後預訂,咁即係點呀?乜嘢係部分航班?媽我好亂呀~
問過職員,原來只有CX/KA航班先可以起飛1小時前兌換(仲要係第一程就要搭CX/KA喇),而其他4間航空公司(英國航空、澳洲航空、卡塔爾航空或芬蘭航空),最少要喺起飛4小時前兌換。不過2者最長都可以喺啟航前11個月換。報告完畢~