Amazon 登記會員

第一步首先要到達Amazon官網,如果大家得閒可以睇多幾個國家嘅Amazon,因為佢地特價嘅商店都會有唔同。

而只要右上角㩒Account & Lists之後就可以填寫簡單資料登記做會員,填完就可以成功登記做會員架喇!

之後你可以再㩒多次Account & Lists,揀Your Addresses同埋Payment options填寫你嘅地址同埋信用卡資料。當然你亦都可以係付費階段嘅時候先填寫,但如果事先填寫地址會比較方便睇到邊啲產品可以直送到香港(下一步會詳述),而如果以後地址同信用卡資料有更改亦都可以係呢到做變更。順帶一提如果買完之後想取消、檢視貨品運送狀態或者睇番過往交易紀錄,亦都係到㩒Your Orders就可以睇到。

 

Amazon購物流程

申請完帳號之後,就係時候購物啦!如果你已經有想買嘅產品的話,可以直接Search一啲Keywords。如果無嘅話你亦都可以係Departments個到揀產品嘅類別再從中挑選心水產品。

今次我地就假設我地要購買嘅係露營椅,搜索完關鍵字之後會有唔同嘅貨品供選擇,而如果你已經事先填好咗地址,而個件貨品又可以直送到香港,佢就會係貨品名稱下面顯示Eligible for Shipping to Hong Kong,相反如果冇的話亦即係佢唔可以直送到香港。當遇到唔可以直送到香港嘅情況大家就可以用集運幫手(見連結)。

今次我地購買嘅貨品係可以直送到香港嘅呢一張露營椅。之後只要㩒入去該貨品嘅頁面,再揀Size就可以Add to Cart加到去購物車。而如果已經揀好晒想畀錢又或者想睇睇現時購物車有咩貨品嘅話,亦都只需按右上角嘅Cart就可以檢視。而右方就會顯示貨品價格以及運費、到貨日子、係咪有存貨同埋賣家同送貨由邊個負責,今次係Ships from and sold by Amazon.com.,由Amazon賣同運貨,會相對其他賣家更加安全(當然亦都唔係其他賣家就好危險啦,如果唔放心可以睇番佢嘅評分做參考)。

㩒完Cart就會到達呢個頁面,如果想修改貨品數量或者唔買都可以係呢個頁面進行,而如果要畀錢就可以㩒Proceed to checkout。

 

只要放咗落購物車到就可以㩒Proceed to checkout畀錢,而如果你未輸入過地址嘅話佢亦都會係呢個時侯叫你填寫。

輸入完地址之後就可以選擇運送選項,AmazonGlobal Priority Shipping係最快亦都最貴,相反AmazonGlobal Standard Shipping就最平但係最遲先送到,大家可以因應貨品急切性同運費價錢而選擇唔同方案。

而大家畀錢嘅時候就記得注意番到底用HKD定係當地貨幣做結算,如果唔知有咩分別嘅話可以睇一睇呢篇文章(見連結),個人就建議用番當地貨幣做結算。不過相信大家都留意到呢張露營椅嘅運費係仲貴過件貨(因為我呢件貨太平遮),關於運費,有以下兩個選擇:如果覺得運費都唔貴嘅話可以直接畀錢,而如果想平啲就可以使用集運。至於集運嘅流程就可以參考呢一篇文章(見連結)。

 

 

如果大家要用到集運嘅話,輸入完該地集運倉地址之後係貨品頁面右面又或者係付費頁睇番係Free Shipping定係需要畀運費。之後再做付費手續就完成架喇。

睇完之後係咪都心郁想網上瘋狂購物?立即申請信用卡用外幣結算啦!以下係我地推薦外幣交易嘅信用卡,有興趣就透過我地立即申請啦!

 

外幣網購信用卡推介

渣打Simply Cash Visa卡

 

 

DBS Black World Mastercard

 

 

滙豐Visa Signature