網購 攻略合集

歐美網店每年聖誕都進行大減價,各類貨品都會以超抵價發售,今次我哋就為大家整合購物攻略,如果你仲未清楚購物流程,就由呢篇文開始入手啦!

精選貨品

啲貨品到底有幾平?Tempur-Pedic 呢個牌子相信大家或者都略有聽聞,香港買原價都要800幾蚊,而家特價平咗$30美金,亦即係大約HK$300就可以買到!真係堅抵!但你以為六折就好抵?其實半價甚至三四折嘅貨品都仲有好多,平貨真係數之不盡,貨品種類多到睇唔晒,如果你都想知咩係抵買嘅,大家記得整定WishList時刻留意住價錢變動,咁就可以買得最抵啦!

購物流程

以Amazon為例,其實只需要登記咗做會員之後,搜尋想要嘅貨品,將件貨放入購物車後付款,就完成咗整個購物流程!而呢篇文會詳細同大家講解Amazon購物嘅基本流程同注意事項,如果你係網購新手嘅話就入嚟睇一睇先啦!

Amazon購物流程教學

Shipping

由於各間網店主要都係做番外國人生意,所以運嚟香港係需要畀運費,如果想減低運費成本,就需要用到集運。集運大家一開始未用過可能都會有啲難上手,但其實集運流程大多只需要以下四個步驟。

1.首先登記為集運公司會員並取得集運地址

2.海外網站購買完要集運嘅貨品之後,收貨地址填寫集運公司嘅集運地址

3.通知集運公司運單號碼以及貨品嘅資料。

4.所有貨品到達貨倉之後到集運公司網址選擇集運,付款方式以及填寫其個人資料,完成後等收貨就得架喇!

不過注意番,唔少網店都會Block集運地址,例如Adidas、Timberland、Levi’s,遇到咁嘅情況嘅話就要用番代購啦。

如果你想知道用邊一間集運商最抵,呢一篇文就可以幫你解決你嘅疑問。

美國集運攻略

網購信用卡

至於網購嘅信用卡,大家不妨考慮呢幾張信用卡。

DBS Black World Mastercard

如果你係鍾意儲里數嘅話,用DBS Black World Mastercard網購係一個好選擇,迎新首$70,000簽賬都可享有$2.5/里嘅優惠(上限28,000里)。平時嘅海外簽賬每$250就有DBS$3(即$4/里)。不過注意番,如果你係去「海外註冊商戶」Online Shopping的話,一定要揀用外幣結賬,而唔係用港幣,否則唔會得到優惠里數之餘,仲會被收取跨境港幣交易手續費!

滙豐Visa Signature卡

只要將「最紅自主獎賞」嘅額外5X「獎賞錢」放喺「賞世界」,就會有2%回贈。今年另外再有特別推廣,網上及海外簽賬都可享高達2.4%「獎賞錢」回贈。如果用Visa Signature卡簽賬仲抵,再有額外多1.2%回贈,加埋總共有5.6%回贈。真係係網購之中嘅卡王,如果達到年薪要求嘅話,呢張卡真係一定要申請呀!

Citi Clear Card

相信好多朋友都可能仲係學生或者啱啱初出茅蘆,年薪唔算好高,咁嘅話建議大家可以申請呢張Citi Clear Card!學生可以免入息申請之餘,出咗嚟做嘢嘅朋友亦都只需六萬年薪就可以申請到。而只需憑Citi Clear Card作任何網上外幣簽賬,全年可享2%現金回贈,其他簽賬亦可享0.4%現金回贈!

而如果大家想知道更多有關外幣結賬同港幣結賬嘅不同以及各間銀行交易手續費嘅資訊,可以參閱以下文章,希望大家都會係Black Friday用最抵價錢買到平貨啦!

網購信用卡優惠 交易手續費比較