平時住酒店儲落唔同酒店集團會籍積分,除咗換成客房優惠外,「亞洲萬里通」夥伴酒店會員計劃嘅積分仲可以換成里數!今年內將13間指定酒店集團會籍嘅積分換成里數,仲會有50%額外里數,更快儲夠里數換機票去旅行啦!
 

額外50%里數獎賞!
即日起至12月31號,將指定13間酒店集團嘅積分轉換為「亞洲萬里通」里數會有50%額外里數,參與夥伴包括雅高酒店集團、貝斯特韋斯特酒店集團、希爾頓、凱悅酒店及度假村、洲際酒店集團、金陵連鎖酒店、開元酒店集團、卡爾森瑞德酒店集團、富豪酒店國際有限公司、香格里拉酒店集團、萬達酒店及度假村、安納塔拉飯店、度假村及水療、明宇商旅股份有限公司。

例子
以香格里拉酒店集團嘅貴賓金環會為例,平時每1分可以換到1里數,但呢個優惠就可以換到1.5里數。
不過每次最少要換1,000分,之後以每500分咁加上去。
假設換10,000分,可以換到10,000里數之餘,會有額外5,000里數,
總共有15,000里數,咁就已經足夠換到一張來回台灣機票。

Asia Miles「酒店積分轉換獎賞」詳情:https://www.hongkongcard.com/s/5bfad

「跨享更多里賞」再賺4,600里數 !

「亞洲萬里通」依家仲有另一個「跨享更多里賞」優惠,只要達到30,000里數嘅目標里數,有高達額外4,000里數,再分別喺指定類別消費(旅遊、住宿、購物、美食),每個類別會再多額外150里數,即合共600里數。而酒店積分轉換都會計埋喺裡面,屬於住宿類別消費,所以一次轉換就賺到雙重里數。

相關文章可以參考:
Asia Miles「跨享更多里賞」: 3招教你快速儲30,000里 再賺額外4,600里