先講咗部份大家都眾所周知嘅本地消費儲里數方法先!

 

八達通自動增值 賺「亞洲萬里通」里數

除左搭車,唔少人都會直接用八達通畀錢消費,方便得嚟又可以儲分。依家唔少信用卡都可以申請八達通自動增值服務,但唔係張張卡申請八達通自動增值都有得儲積分或里數,申請時記得睇清楚呀。以渣打亞洲萬里通萬事達卡為例,八達通自動增值可以做到每$6/里,最重要係里數直接存入賬戶唔收手續費。以每個星期增值$500為例,每個月增值$2,000已經儲到333里。

 

食飯簽賬 賺「亞洲萬里通」里數

平時約朋友食飯,可以睇下想食嘅餐廳係咪屬於「亞洲萬里通」合作夥伴,順便賺埋里數。而Openrice唔止可以睇餐廳詳情,只要透過Openrice預訂指定餐廳,食完飯就賺到25里,有時仲有雙倍添呀!除咗訂位有里數,逢星期一去「亞洲萬里通」夥伴餐廳,可以做到$1/里,下集詳細分享點樣食飯賺盡每一里,記得留意啦!

 

指定商戶購物 賺「亞洲萬里通」里數

依家「亞洲萬里通」會員去合作夥伴舖頭買嘢都有得賺里數,包括Clé de Peau Beauté、Clarins、DELSEY、Samsonite等等。每個合作夥伴嘅里數兌換率都唔一樣,例如女士們去CLARINS買滿$500後每$8有5里,買三重透白光感精華係$630,會有393里,加上用渣打亞洲萬里通萬事達卡畀錢有額外105里,總共有498里。買嘢前不妨睇下「亞洲萬里通」網站有冇你想買嘅牌子,唔好浪費儲里數嘅機會呀!

以下嘅消費儲里數方法,有可能會被大家忽略咗,不如睇下你又知唔知呢啲方法啦。
如果識得儲,真係分分鐘成套日本來回機票都換得到呀!

 

電話Plan 賺「亞洲萬里通」里數

先講人人最貼身嘅電話Plan先,而家部份電訊供應商,例如Smartone同The Club已經有同「亞洲萬里通」合作。喺Smartone揀「4.5G超貼心智能手機計劃」同「4.5G超貼心全家享計劃」都可以賺里數,簡單講最多人用嘅揀6GB Plan(月費$298),成功申請已經賺到3,500里。而喺1010消費會賺到Club積分,以申請新上台服務為例,每月$357有6GB嘅計劃有7,000 Club積分,可以換到7,000里添!其實唔止申請電話plan可以賺里數,就連屋企寬頻都可以賺到Club積分,再轉為里數㗎。

 

「易賞錢」換「亞洲萬里通」里數

相信大家都會經常去百佳、屈臣氏、豐澤等舖頭買日用品或者必須品,買野之餘儲埋「易賞錢」,你又知唔知「易賞錢」都可以換里數呢!平均400分換到100里,但心急換日本機票去旅行嘅你要留意喇,每日最多換40,000分,等於10,000里。

 

入油 賺「亞洲萬里通」里數

平時返工、出街都會揸車嘅話,油費積少成多,都係一筆唔小嘅必要開支,油站積分儲儲埋埋又諗唔到換乜,用黎換里數就最啱喇,包括蜆殻、Esso。以蜆殻為例,今年內每消費$1有1 Shell bonus 分,儲夠1,500 Shell bonus分就可以換到400里。

 

網上購物 賺「亞洲萬里通」里數

而家網上消費愈黎愈方便,例如渣打亞洲萬里通萬事達卡喺網上消費,一般都做到$4/里,但其實只要係「亞洲萬里通」合作夥伴網站仲會有額外里數,好似「亞洲萬里通」iShop,足不出戶已經買到好多大品牌商品,包括Apple、Harrods、京東、Rakuten Global Market同Nike.com等等,但留意唔同商戶可以賺到嘅里數都唔一樣,而家就教你點樣入iShop。

 

進入「亞洲萬里通」iShop

記得一定要先上「亞洲萬里通」官網,選擇「賺取里數」,然後進入「亞洲萬里通」iShop網頁。
 

「亞洲萬里通」iShop-2

 

買嘢嘅步驟都好簡單,進入「亞洲萬里通」iShop後,揀你想買嘅牌子:
 

「亞洲萬里通」iShop-2

然後登入你嘅「亞洲萬里通」帳戶:
 

「亞洲萬里通」iShop-3

登入後撳「立即購物」,去指定網頁買嘢就可以賺里數啦。
 

「亞洲萬里通」iShop-4

 

於 Harrods 購物

舉一個例子,喺百貨公司Harrods買嘢係每1USD有3里,例如買一個Le Creuset Cerise Round Casserole Dish (24cm)係310USD,會有930里,用埋渣打亞洲萬里通萬事達卡畀錢,有額外600里左右,總共有1,530里。
 

 

唱K 賺「亞洲萬里通」里數

出街食飯、唱K、睇戲,大部份娛樂都同錢有關,緊係要把握每個賺里數機會啦。而家喺RedMR每消費$10有一里,約5位朋友一齊唱通宵K,總共消費咗$875左右,可以賺到87里。以渣打亞洲萬里通萬事達卡畀錢,會有額外145里,總共係232里。如果攪Party,開多幾枝酒,計下計下果度都唔少里數架!

 

聯營信用卡 儲「亞洲萬里通」里數

平時比較多上網買嘢,可以揀渣打亞洲萬里通萬事達卡。除咗網上、食飯同外幣簽賬都做到$4/里之外,里數會直接存入賬戶,唔需要另外兌換。2018年9月30號前成功申請呢張信用卡嘅話,迎新優惠可以做到$0.5/里,最多有30,000里,同時經我哋申請成為「亞洲萬里通」新會員,會有再多1,000里,隨時賺到31,000里或者更多呀!
 

 

渣打亞洲萬里通萬事達卡


 

消費類別 可賺里數

以聯營信用卡消費
額外里數

八達通自動增值
(每月增值:$2,000)
333里
電話plan
(每月:$357)
7,000里 1,428里
(24個月)
易賞錢 10,000里
入油
(消費:$1,500)
400里 250里
指定商戶購物 393里 105里
「亞洲萬里通」
iShop購物
930里 600里
唱K 87里 145里
成為「亞洲萬里通」會員

申請指定聯營信用卡
(免費)
1,000里
渣打亞洲萬里通萬事達卡
迎新優惠
(簽:$7,500)
15,000里
總共   37,671里

以上列舉嘅只係部份消費例子,日常消費可能有更加多,但其實計計下利用埋迎新優惠真係分分鐘成套來回日本機票都換到返嚟!記得精明賺里數除咗事前睇睇邊張信用卡抵用,仲要上「亞洲萬里通」網站睇下有咩新推廣優惠同合作伙伴。下一集將會分享點樣食先食得醒目,記得留意啦!

 

(部分資料由客戶提供)