Plan行程賺盡「亞洲萬里通」里數

好多人以為去旅行碌卡先可以賺里數,但其實由你訂機票開始到計劃成個旅程幾乎所有消費都可以賺里數。以下就用去日本大阪旅行為例,無論係訂機票、訂酒店、買保險、兌日圓都可以賺額外里數,隨時賺到幾千里!

 

用聯營信用卡 里數直接存入賬戶

依家香港可以儲到「亞洲萬里通」里數嘅聯營信用卡有3張,分別係渣打亞洲萬里通萬事達卡、美國運通國泰航空尊尚信用卡同美國運通國泰航空信用卡。相比起用其他信用卡積分換里數,以「亞洲萬里通」指定聯營信用卡簽賬後會將里數直接存入賬戶,可以慳返手續費。聯營信用卡仲有其他優惠,例如用美國運通國泰航空尊尚信用卡喺國泰航空官網買國泰航空機票,消費每$6有2里,即係$3/里。好多時申請聯營信用卡仲有限時優惠,會送額外里數!
 

訂機票 儲里數

訂機票嘅話,喺國泰航空買來回機票去日本至少賺到600里,用埋美國運通國泰航空尊尚信用卡喺國泰航空官網買機票仲可以額外做到每$6有2里,以買大阪機票去5日賣$3,810為例,有1,270里,加埋至少有1,870里。
 

 

訂酒店 儲里數

唔少訂酒店網站都係「亞洲萬里通」嘅合作夥伴,包括Agoda、 Trip.com、Expedia、Hotels.com等等,經「亞洲萬里通」官網進入合作夥伴網站預訂酒店,會有特別里數優惠。不過要留意啦,一定要經「亞洲萬里通」網站進入合作夥伴網站先可以賺里數,所以去旅行個陣就記得上返「亞洲萬里通」網站check下啦。
 

假設經「亞洲萬里通」網站進入Agoda.com,揀PointsMax優惠套餐之後預訂大阪APA飯店(御堂筋本町站東)4晚價錢係$3,446,即係會有689里。如果用美國運通國泰航空尊尚信用卡畀錢,會係$6/里,即係額外有574里,加埋係1,263里。
 

 

買保險 儲里數

出外旅行最緊要係買保險以防有意外發生,買保險都可以賺里數,可以上「亞洲萬里通」網站睇下有邊啲保險夥伴,例如買英國保誠保險低至$1/里,去日本大阪旅行買「旅遊樂」就會有134里。

 

租車 儲里數

如果想自駕遊,都可以賺里數㗎,例如喺Rentalcars.com租車每$10有2里。如果喺大阪租車租5日,大概係$2,381,會賺到476里,加上以美國運通國泰航空尊尚信用卡畀錢係$6/里,即係額外有396里,總共係872里。

 

兌換日圓 儲里數

出發前想兌日圓,都可以揀「亞洲萬里通」合作夥伴換錢。喺Travelex兌換$10,000或以上,則每$20/里,即係有500里。

 

買數據漫遊計劃 儲里數

大部份人出去旅行個時會買漫遊數據,其實旅行上網都可以賺里數㗎。依家「亞洲萬里通」合作嘅數據漫遊服務電訊供應商包括Travelling Connect,Smartone同HKT既The Club。以去大阪5日同屋企人共享數據咁計,用Smartone嘅「數據漫遊錢」買夠$500已經有500里,可以用到5日以上㗎啦。有效期仲可以去到生效日起計6個月,其實最抵係買$1,200會有2,400里,可以做到$0.5/里,啱晒成日去旅行嘅人,但記得要喺6個月內用呀。
 

買機場快綫車票 儲里數

即日至5月17號喺港鐵網站或MTR mobile買機場快綫車票係$1/里,如果買香港站來回車票,會有205里。就算過咗優惠期,喺港鐵網站買來回機票都可以賺到75里。

 

聯營信用卡 儲里數

講左咁耐,終於出發喇!但係去到大阪先發覺唔夠Yen點算好?其實依家唔同信用卡喺海外消費都可以賺到里數,例如用美國運通國泰航空尊尚信用卡海外簽賬每$6有1.5里,所以去到日本大阪簽賬都做到$4/里。如果新申請美國運通國泰航空尊尚信用卡,迎新優惠嘅外幣簽賬可以做到$3/里,最多有30,000里。
 

美國運通國泰航空尊尚信用卡

 


以去日本大阪旅行為例,可以賺到7千幾里,當中部分消費係用美國運通國泰航空尊尚信用卡畀錢:
 

日本大阪旅行 可賺里數
訂國泰機票 1,870里
Agoda.com
訂大阪APA酒店
(選擇PointsMax優惠套餐)
1,263里
買英國保誠保險 134里
於Rentalcars.com租車 872里
於Travelex
兌換日圓
500里
買Smartone
數據漫遊計劃
2,400里
於港鐵網站
或MTR mobile
買機場快綫車票
205里
總共 7,244里

去旅行有好多消費都在所難免,何不賺盡里數,用得精明啲。上至訂機票酒店、買旅遊保,下至兌日圓、用Wi-Fi蛋,甚至搭車食飯都可以賺里數。旅行個陣計劃得好,分分鐘成家去旅行都已經賺夠一張免費來回機票。今集先介紹去旅行點樣賺盡7千里,下集就教大家本地消費Tips,記得留意下一集啦!