金管局2017年9月公布7招措施,以推動香港金融科技發展,而市場最期待嘅快速支付系統(FPS),已率先啟動,市民最快在2018年9月30日可以免費使用。

金管局總裁陳德霖指出「轉數快」係全球獨一無二嘅小額實時支付平台,新系統將會 24 小時全天候運作,支援港元同人民幣以手機號碼、電郵地址或二維碼轉帳,全面接通銀行同儲值支付工具帳戶,令零售轉帳同支付可以更方便快捷。

由即日起,市民即可透過參與銀行,同埋儲值支付工具營運商嘅手機,在「轉數快」登記手機號碼或用電郵地址作爲收款帳戶代碼,而有關服務將會於 9 月 30 日正式展開。每日每個戶口轉賬金額上限為1萬蚊。目前已有 21 間銀行同 10 間儲值支付工具營運商參與有關系統,當中包括中國銀行、滙豐、恒生及渣打等主要零售銀行。而八達通、支付寶、 WeChat 等儲值支付工具亦可使用。

當中中銀,恒生,東亞,星展及建行已率先推出登記優惠,相信其他銀行亦會陸續推出。至於方便程度同埋可否賺取獎賞等問題,要等正式推出後各位用家繼續努力發掘。

2018 轉數快 FPS 支付系統 優惠 合集

發卡銀行/機構 優惠 限期
恒生
  1. 早鳥登記:2018年10月31日或之前成功登記,可享$10CashDollars
  2. HKD100,000信用卡免找數簽賬額:登記後,於2018年9月30日開始,使用恒生P.P支付平台,累積最多第三者轉賬服務/恒生轉賬易/網上繳費服務交易次數之客戶,即有機會得獎
  3. 終極大抽獎:成功登記後,即可自動參加抽獎1次。於2018年9月30日開始,使用恒生P.P支付平台,完成指定項目越多,更可增加抽獎機會。共3名得獎者分別獲HKD500,000,HKD300,000及HKD200,000
2019年01月31日
創興
  1. 透過創興網上銀行或手機銀行上的「轉數快」賬戶綁定服務,登記您的流動電話號碼或電郵地址,即可獲得$ 30現金獎賞(每階段首500名)
  2. 於推廣期內完成「轉數快」賬戶綁定服務及指定「轉數快」交易,即自動參加大抽獎。有機會贏取旗艦級智能手機一部(價值HKD8,588共3份)
2019年01月31日

註:優惠受條款及細則約束,請按上表「發卡銀行/機構」一欄查看優惠詳情!
%成功登記預設收款帳戶的客戶,透過【e秒轉-FPS】收款或付款的客戶,均可獲得一次抽獎機會,每位客戶最多可獲得10次抽獎機會。

筆者實測恒生登記過程好簡單,亦瀏覽過其他銀行網頁介紹,操作大致相同,都係先登入手機銀行 > 登記轉數快 > 輸入識別代號 > 綁定收款戶口 > 輸入驗證碼 > 完成

另外為推廣二維碼支付,金管局2018年9月18日宣布推出香港零售支付共用二維碼標準,同埋相關流動應用程式。該程式名為「香港共用二維碼」(HKQR),商戶可將唔同支付服務營運商二維碼整合成為一個綜合二維碼。咁樣可以方便商戶,尤其中小企,利用同一個二維碼接受唔同方式支付,而毋須向客戶展示多個二維碼。HKQR流動應用程式可於 Google Play Store及Apple App Store下載。

商戶可使用HKQR APP將不同支付服務營運商嘅二維碼整合成為一個綜合二維碼