討厭的銷售電話

唔知大家會唔會成日收到某某銀行或xx財務打電話嚟而家做緊乜乜低息私人貸款？又話係特選客戶，尤其臨近稅季更甚，有時更會喺夜深時收到呢類電話。起初，因為基於來電者是銀行職員，純粹是cross sell 產品，本人都會花一、兩分鐘聆聽有否新的產品，或者客氣咁惋拒，而銀行職員亦好識趣地說聲多謝道別。但唔知點解近呢三幾年，銀行Call Centre 啲質素下降得好離譜，唔講禮貌唔在講，仲要係打嚟sell唔到A銀行就sell B銀行，問多兩句就cut埋線，call back又唔通，其實根本就係外判咗嘅傳銷公司，佢哋從某途經取得或買到呢d個人資料就不停cold call。我都試過安裝Junk call app，但總不能完全堵折，所以各位都要謹慎處理個人資料，睇清楚opt-in/opt-out 條款，以免受不必要嘅滋擾。